VOV4.Mnông- Chính phủ n’hanh ntŭk kan ƀư dak si Australia mhe lah tay na nê̆ mbra ƀư tay vaccine njrăng Covid-19 bâh ntŭk ƀư dak si AstraZeneca tâm năm 2022 n’hanh mbra pă rnoh vaccine đah ăp dak kiau meng. Công ty công nghệ sinh học bôk năp bâh Australia CSL an gĭt tâm năm tât tay ntŭk kan ăp mbra geh ƀư tay vaccine njrăng Covid-19 tĭng nău tâm ton pă kan đah AstraZeneca đah rnoh 50 rkeh dĭng. wa bu ur Izabella Staskowski-nuĭh ntoh ngơi bâh CSL lĕ an gĭt rnoh vaccine mô geh dŏng mbra geh chính phủ Australia pă an ăp dak kiau meng. Kruanh n’gâng kan dak si Greg Hunt uănh năl CSL n’hanh AstraZeneca mbra ƀư lôch nău tâm ton n’hanh lĕ rngôch vaccine ntêm aơ dôl geh Australia pă an ăp dak ta nkual. Ăp dak geh Indonesia , Việt Nam n’hanh Papua New Guinea mbra dơi geh dơn bâh nău kan ƀư vaccine dôl geh ƀư ta Australia.

Nuĭh rblang:Thị Đoắt