VOV4.M'nông: Lôch rnôk geh rlău 74% nuĭh ntơm bah 16 năm deh let lơ chuh tŏng 2 n'glai vaccine njrăng n'gang Covid-19, Australia hŏ ntơm mbơh pơk mbrơi mbrơi trong n'har bri hăn dak bah dih. Nar 27/10, Thủ tướng Australia Scott Morrison an gĭt dak dja ntơm trong nchrăp mbrơi mbrơi pơk mpông n'har bri dak bah dih n'hanh lor bôk năp lah an nuĭh ƀon lan Australia nuĭh dak bah dih way gŭ ta dak dja hŏ chuh tŏng 2 n'glai vaccine njrăng n'gang Covid-19 dơi hăn dak bah dih ma mô kâp dăn si ƀŭt. Tâm let năp tay, dak dja mbra an sinh viên dak bah dih n'hanh ăp nuĭh kan hăr blău ti kan dơi lăp gŭ. N'hanh rơh 3 mbra pơk mpông an lĕ rngôch ăp nuĭh hôm ƀa ƀă, lĕ ma năch pâl nđaih n'hanh ăp nuĭh hăn tât Australia đah ăp nău ŭch êng êng./.

Nuĭh rblang: Điểu Thân