VOV4.M’nông – Nar nđaơ 9/4, Chính phủ Australia lĕ an rwăt tay 20 rkeh dĭng vaccine njrăng Covid-19 bah ntil dak si Pfizer n’hao dĭng lĕ dĭng vaccine ma Australia nchăm rwăt bah ntil aơ hao tât 40 rkeh dĭng. Ntoh ngơi tâm rơ rƀŭn mbơh, Thủ tướng Australia Scott Morrison an gĭt: Jêh rnôk Rmôt mbơh ntĭm kỹ thuật mpeh chuh mbơh lor knŭng an dŏng vaccine njrăng Covid-19 bah AstraZeneca an nuĭh rlău 50 năm, tâm rnôk ăp nuĭh bah dâng 50 năm an dŏng vaccine bah Pfizer, Australia lĕ nchăm rwăt tay vaccine bah Pfizer gay pă an nuĭh ƀon lan. Nău ntop tay vaccine bah Pfizer gay tŏng đăp mpăn an ăp rmôt năm deh êng êng n’hanh nâp nâl nău nsing nơm bah nuĭh ƀon lan tâm bôk nău kan chuh dôl ƀư. Rlău ma nău nchăm rwăt tay vaccine bah Pfizer gay pă an bôk nău kan chuh tâm năm aơ, chính phủ Australia dôl kơp tât trong nchrăp jŏ jong lơn nĕ lah nkra njêng vaccine tâm dak.

Nŭih rblang: Y Sưng Phê Ja