VOV4.M’nông: Nau tât bah srê Covid-19 ta Australia lŏ geh nau rvê ngăn, rnoih ma nŭih ntưp srê Covid-19 tâm dak aơ rlet rlau 1000 nŭih ntưp mhe tâm du nar. Tĭng du nau kơp ngăn bah ăp bang ndrel nkuăl neh bah Australia, tâm 24 mông rlau aơ, dak aơ kơp dơn geh 1.123 nŭih ntưp srê Covid-19 mhe. Tâm nê bang New South Wales hôm lah ntŭk ntoh srê âk ngăn đah 1029 nŭih mhe. Aơ lah rnoh nŭih ntưp srê Covid-19 âk ngăn geh kơp dơn ta Australia tâm di nar kơp ntơm rnôk geh srê tât tâm dak aơ tâm năm 2020. Yơn lah, Australia ân lah mra mô dơi njrăng luh Covid-19 ma ân geh joi trong gay ma rêh nsum ma păng ri ma dak aơ mô hôm ndŏ nkô̆ nau leo rnoh nŭih ntưp Covid-19 ân bah ngăn. Rgâl ma nê, Australia rgum tâm nau ntrŭt dăng ngăch lơn tay nau chuh vắc xin gay ma ƀư ân n’huch rnoh nŭih ntưp srê, n’huch rnoh nŭih lăp tâm ngih dak si ndrel rnoh nŭih khĭt yor srê Covid-12./.

Nŭih rblang: H’Thi