VOV4.Mnông- Ôi aơ 26/9, rlău 88 rbăn ntŭk săch kruanh lam dak Đức lĕ pơk mpông gay ma vơt ăp nuĭh ƀon lan tât nklăch phiếu ta rơh săch kruanh lĕ bang năm 2021. Tĭng nĕ, rlău 60 rkeh ƀon lan lĕ tata râng, đê̆ lơn 1,2 rkeh nuĭh ƀon lan đah rơh săch kruanh năm 2017. Gay ma nchrăp an rơh săch kruanh, rlău 650 rbăn nuĭh kơl kan lĕ rgum kơl an. Geh lĕ dĭng lĕ 47 đảng mpeh mpôl ta Đức tât râng rơh săch kruanh lĕ rngôch năm aơ n’hanh gay ma geh ndơn kan ta Nghị viện Liên  bang Đức. Tĭng ăp nuĭh kan mbơh rblang, Đảng dân chủ-xã hội SPD hôm nha geh mbơh nchroh mbra geh nău dơi ta rơh săch kruanh đah 25% rnoh kơl an bâh ƀon lan Đức. Bar Đảng CDU/CSU dâk tal 2 đah 23%. Aơ lah rnoh tâm rlong bơi tâm ban tâm âk năm ba năp ta Đức. ƀư an nuĭh kan mĭn uănh ta dak Đức mbra dơi geh roh âk khay gay ma geh njêng chính phủ kan ndrel mhe.

Nuĭh rblang: Thị Đoắt