VOV4.M’nông: Nau u\ch ndrel mra blau gi\t mpeh ndơ goh nteh bol ma mô geh tă nti\m nti tâm ngih săm [u\r, yơn nô Tis (rnoi Sê đăng) ta nkuăl [on têh Buôn ma Thuột, n’gor Dak Lak hôm dơi ê nkra êng, goh, kreh êng ăp ntil ndơ goh nteh Tây Nguyên. Nô nkra geh âk ntil ndơ kơt lah Gong lu\, đơn T’rưng, n’hôm tap đah ty…ndrel nti nau nkra, nau do\ng ân ăp kon se jê| tâm ntu\k gu\ nde Têrêssa nkuăl [on têh Buôn Ma Thuột. Bah nê, ndâk njêng rmôt njroh mprơ, vay hăn njroh mprơ kơl an năch uănh tâm âk ntu\k.

Êp ngih jong tâm ngih gu\ nde ăp rnoi mpôl Têrêsa, nkuăl [on têh Buôn ma Thuột n’gor Dak Lak, du rmôt ăp băl mom dôl ma ma nglăp ân jêh đơn T’rưng. Bah mpang ty du\t blau bah nô Tis-bu ndăm rnoi sê đăng, nu\ih tơm bah rmôt njroh mrơ tâm ngih gu\ nde Têrêsa, ăp ndơ ho\ njêng jêng nhạc,. tăng nteh ăp nau nteh bôk năp. Mhe geh [ư, nô Tis nti\m nti ân 2 kon se jê|.

Deh năm 1993, ta xã Ea Ui, nkuăl Krông Pách, n’gor Dak Lak, Tis tât ngih gu\ ndeh aơ tâm ntơm rnôk nti jrâu 3 jrâu 4. Sơ Nguyễn Thị Thuận, tơm nu\ih mât ngih gu\ nde Têrêsa ân gi\t: jêh lôch nti jrâu 12, Tis geh ăp Sơ mbơh hăn nti nau kan mỹ nghệ ndrel si\t nti tay ân ăp kon se tâm ngih gu\ nde aơ. Sơ Nguyễn Thị Thuận saơ nau blau bah gi\t tât âm nhạc bah oh Tis ueh, yor ri ma ân păng rlong kơt ti\ng ndơ goh nteh bah Tây Nguyên:

‘ Oh Tis ri geh nau blau ngăn, du nau blau ngăn mpeh âm nhạc. Ntơm bah jê| ndjôt đờn Guitar kreh, ăp nu\ih mprơ ri păng ko\ blau kreh kơt da dê ndrel geh nau gi\t tât nau njroh mprơ ueh blau ngăn. Aơ lah du nau ueh ngăn ân ăp Sơ u\ch pơk trong nơih ân ăp oh geh hun hao jêng tay”.

Bơi tât du năm hăn uănh, hăn ti\ng đah ăp ntil ndơ ndrel geh kơt ti\ng nti tă bah ăp nu\ih blau ơm, Tis ho\ blau nkra joi êng ăp ntil chi\ng lu\, jêh ri tât ăp ntil ndơ goh nteh êng ênh kơt đờn T’rưng, n’hôm tap ty, ndơ goh…nkre nkra, păng nkre kơt ti\ng anu do\ng bah ăp ntil. Tis nkoch, yor ê geh nti tă bah jrâu bu nti\m nti ma nau blau ê kloh ngăn mpeh nhạc lý. Săk păng dôl kơt nti tay gay rklaih nau ê dơi aơ, nkre geh tay nau gi\t gay ma nti\m nti ân ăp kon se tâm rmôt njroh mprơ:

"Gâp lơi du năm gay ma mi\n ndrel joi tâm ăp ntu\k, mâp ăp nu\ih bu blau ndrel joi ndơ gay ma nkra. Jêh ri gâp ntơm hăn joi nau nkra êng, bôk năp nkra chi\ng lu\. Jêh geh nau dơi ri gâp mơ ntơm [ư ăp ntil ndơ gong êng êng. Tâm rnôk ê nkra ri gâp mâp aka ngăn nau jêr kơt bôk năp lah mpeh ăp nau ntơm njêng nteh, nau njêng tăng ji jêr ngăn. Yơn jêh uănh âk ntil nau geh nteh tâm aka ntu\k ndrel ăp rơh bu hăn lor, ăp nu\ih blau ri, ăp nau ê dơi ndrel ăp nau nơm ê gi\t ngăn ko\ bah lơn. Ndrel a[aơ rnôk gâp nti\m ân ăp kon se ri ăp nau nê kon se ko\ dôl ma mâp đo\ng”.

  Nau blau ndrel nau ueh tât đah ndơ goh nteh bah rnoi nơm jêng nau u\ch, geh Tis nkoch mbơh đo\ng tât ăp on kon se tâm ngih gu\ nde Têrêsa, nkuăl [on têh Buôn ma thuột. Nau nsôuih bah Tis ho\ rgop du gưl ân rmôt njroh mprơ bah Ngih gu\ ndeh Têrêsa geh âk ntu\k bu gi\t tât. Rmôt khân păng ho\ hăn njroh mprơ tâm ăp ntu\k pâl n’aih ta Buôn Đôn dnrel Bảo tàng Dak Lak, đah ăp nau [ư kơt lah: goh nau mprơ “Bình minh trên Tây Nguyên” ndrel “Vui hội màu hè”.

Tâm rmôt njroh mprơ, Tis geh uănh lah nô tơm ndrel geh âk ngăn kon se tâm ngih gu\ nde aơ u\ch ro\ng. U\ch nau blau bah Tis, oh Ngân Văn Chiến (rnoi tahí) ta ngih gu\ nde Têrêsa dôl bndrel ăp băl kơt ti\ng Tis gay gi\t âk lơn mpeh ăp ntil ndơ goh nteh bah rnoi mpôl:

‘Rnôk găp lăp ta aơ ri gâp saơ âk nô goh ri gâp uănh ndrel gâp u\ch ngăn. Saơ ăp nô ăp tơ\ hăn ta aơ ri gâp ko\ ti\ng gay ma uănh ndrel ma kơt. Tât năm aơ ri geh nô tis nti ân hên, nti nau blau bah nô Tis ri nơih gi\t, nơih nkah ndrel nơih blau ngăch ngăn. Gâp u\ch gâp ko\ mra blau goh nteh âk ntil kơt nô Tis ndrel ăp băl gay nkra đơn T’rưng gong gu\ ndrel geh hăn goh ân bu uănh âk ntu\k”.

Wa Mai Nhiệm-nu\ih Việt Nam rêh ta Ucs nkoch, tâm âk tơ\ sit Việt Nam pâl, wa lo\ tât khâl ăp kon se ta ngih gu\ ndeh Têrêsa ndrel nti nau dfo\ng ndơ goh nteh ndrel kon se. Păng rvăt 7 blah ndơ nkra goh nteh bah Tis nkra si\t dak Úc, tâm nê geh 2 blau gong lu\ ndrel 5 blah đơn T’rưng. Ti\ng wa Mai Nhiệm, nê lah nau kơl păng mbơh ntil nau nteh ueh bah Tây Nguyên tât nu\ih [on lan ntu\k păng rêh. Bah ăp tơ\ păng uănh ta Úc, nau ueh tă bah kho ao ndrel ndơ nteh [ư nu\ih uănh u\ch ngăn:

‘3-4 năm bah năp nơh gâp tât ta aơ đah ăp kon se đah nkô| nau kơl kon se ho\ kơl an ăp nau ma gâp dơi gi\t tâm nau blau bah nơm. Jêh nê tât du nar gâp saơ, ăp kon se geh âk ntil ndơ nteh ueh bah Tây Nguyên dnrel ăp oh mra dơi nkra njêng êng. Kơt oh Tis aơ [ư geh aka ntil ndơ, oh nkra êng ndơ goh nteh, nti ân kon se êng. Yor ri ma gâp nsôih do\ng ân nar gay ma tât đah kon se ndrel gâp kơt ti\ng nti ndrel nsôih do\ng ăp ntil ndơ goh nteh bah kon se nkra”.

Mleh, mô lăng gơih ngơi, bu ndăm rnoi Sê đăng săch ndơ goh nteh lah gong llu\ geh nau tăng nteh ueh ngăn mô lah tăng nteh đơn T’rưng uăngh ngăch gay ma nuih n’âhm nau mi\n, nau u\ch bah nơm. Nau u\ch nê ho\ mbơh nau u\ch gay ma geh tay âk kon se geh gi\t tât nau nteh ueh ndrel ndơ goh nteh vay ơm, leo tât nau tâm u\ch ro\ng ngăn bah ăp kon se bah ăp ntil ndơ goh nteh aơ./.

Nu\ih rblang: H’Thi