VOV4.M’nông – Dơi geh nău ntop kơl, ntru\t nsôr bah n’gâng kan dơi kan, ăp năm dăch aơ, xã Ea Tul, nkuâl Cư Mgar, n’gor Dak Lak le\ [ư ăp jrô kan trêng nti cheh tanh bok an bu ur Rđe. Lôch nê, mô dơn rdâk tay nău kan way ơm bah rnoi nu^h he ma hôm rgop rgâl nău rêh an nu^h [on lan ta ntu\k đo\ng.

Dêh ta [on lan, jêng bah jêt yuh H’Hương Niê, ta {on H’Ding, xă Ea Tul, nkuăl Cư M’gar le\ m^n joi, u\ch đah rup gui ăp u, ăp mê| tâm [on ăp nar gu\ ta rpăi tanh, uănh t^ng ăp rse brai gay [ư jêng ăp troi, ao, nah ueh. Dơi u, dơi mê| nt^m tay nău kan cheh tanh bah rnoi nơm, ntop đah ăp nău wât mhe yor Ngih sam [u\t cao đẳng ngề thanh niên dân tộc Tây Nguyên nt^m nti, tât a[aơ, yuh Hương le\ jêng du hê blău cheh tanh mbân aơ Rađe. Đah nău u\ch n’hanh mpo\ng mât ndray nău ueh tâm văn hoá way ơm bah rnoi nơm, yuh H’Hương le\ ntuh kơl n’hâm soan n’hanh mông nar an nău kan n’hanh mbrơi mbrơi jêng nu\ih trêng nt^m cheh tanh an ăp rơh druh mom. Lơn lah, yuh le\ ndâk njêng Rmôt kan ndrel tâm rgop ndơ cheh tanh Ea Tul ta xă Ea Tul, nkuăl Cư M’gar.

Trêng nt^m nău kan cheh tanh aơ, gâp saơ nu\ih ranh kăl e g^t cheh tanh, yơn rơh druh ndăm a[aơ mô g^t cheh tanh jêng gâp mư m^n tât nău trêng nt^m cheh tanh an rơh druh ndăm gay bah kơi khân pơng dơi mât ndray t^ng năm khay. Bah nău m^n mât ndray nău khlay way ơm rnoi mpôl nơm gâp le\ hăn nti ta âk ntu\k an ăp oh to\ng 18 năm let lơ u\ch nti nău kan ri gâo săch khân pơng lăp nti nău kan gay gâp nt^m an nău kan aơ mô an roh rui.

Cheh tanh

Kơt yuh H’ Hương đo\ng, ăp bah lah nah, mban ao, nah bă kon se bâh cheh tanh lah ăp ndơ do\ng ăp nar bah yuh H’Nuôl Niê ta [on Brah, xă Ea Tul, nkuăl Cư M’gar, yơn tât năm 30, yuh H’Nuôl mơ g^t đah nău kan cheh tanh bah rnoi nơm. Yuh H’Nuôl nkoch, ăp tơ\ uănh nu\ih ranh tâm [on cheh tanh, uănh ăp trong sre brai cheh ueh tâm mbân ao, yuh saơ du\t ntôh n’hao n’hanh u\ch ty nơm [ư êng ăp ndơ kơt ne\. Tât năm 2015, jêh hăn t^ng jrô nti cheh tanh yor xă Ea Tul [ư, yuh le\ [ư êng ăp ndơ cheh tanh bah êng nơm. Bôk năp, yuh [ư luh ăp ndơ cheh tanh dơh bok, dung, mbrơi mbrơi g^t ăp trong cheh rup gui gay [ư jêng ăp ndơ jêr, joi geh nău ueh kơt mbân, aơ, nah ntâk… mô knu\ng tâm du nău u\ch, nău kan cheh tanh hôm kơl yuh tât đah rmôt kan ndrel bah ne\ geh tay prăk an rnăk wâl.

Nău rêh [on lan ta nkual thôn [on du\t jêr jo\t, hăn [ư mir yơn a[aơ geh ntop tay nău kan cheh tanh dơh oi du đêt. Pơng ntop tay du đêt an nơm [ư cà phê n’hanh tiêu. A[aơ geh nău kan aơ geh rnôk ru bri mih he hôm e dơi tanh, hôm mô geh nar hăn tâm mir măng s^t tanh geh ntop tay an he.

Cheh tanh

Bah nău u\ch kơnh, mpo\ng u\ch mât ndray nău khlay way ơm, ăp yuh, ăp oh tâm rmôt kan ndrel cheh tanh Ea Tul le\ [ư geh bah nah, mbân ao, du\ng cheng tât rse bu\t… mô knu\ng ueh nâp ma hôm âk ntil mpeh rup gui, rnoh khlay tâm di đo\ng, nâp jo\, ueh măt uănh, rgâl an tâm di đah nu\ih wât bah nu\ih do\ng jêng ngăch dơi ntu\k tăch wơt dơn. Yuh H’Brưi Niê, [on Phơng, xă Ea Tul, nkuăl Cư M’gar nu\ih tâm rmôt kan ndrel an g^t, tă bah nău [ư bah Rmôt kan ndrel, ăp oh yuh tâm rmôt dơi wât, nău t^ng đah nău kan cheh tanh mô knu\ng yor nău u\ch [ư sa ma hôm lah nău ndrel ty, nsrôih mât, mboăt nthoi trong hăn văn hoá bah rnoi mpôl bah kăl e n’glơi an.

A[aơ hôm e âk băl mom nu\ih Rađê mô ho\ uănh m^n tât nău kan cheh tanh, gâp mpo\ng ăp băl m^n joi n’hanh nti nău kan cheh tanh gay dơi rgâl nău geh rnăk wâl kơt mât ndray nău kan bah u che he.

Du ntil ndơ cheh tanh mô knu\ng mpơl nău ueh blău bah mpang ty nu\ih bu ur Êđê, ma hôm nău nsrôih mât ndray ăp nău khlay văn hoá way ơm bah rnoi nơm. Dơi saơ, đah nuih n’hâm janh manh, janh [ư bah ăp oh yuh rnoi rađê ta Dak Lak, nău kan cheh tanh way ơm bah rnoi Rađê mbra dơi mât, hun hao n’hanh nta nău kan, ntop nău geh an âk rnăk geh nău rêh du\t jêr jo\t./.

Nu\ih rblang: Y Sưng Phê Ja