VOV4.M’nông: Groi Thủ tướng nkre n’gâng kan nchră Nội vụ Campuchia Samdech Krala Hom Sar Kheng hŏ đă N’gâng kan ăp n’gor tâm êp đah n’har bri ân geh n’hao nau kan tâm boh đah mpeh Việt Nam gay ma ndrel tâm rgop mât njrăng đăp mpăn tâm nkuăl n’har bri nkre pơk trong nơih tâm nau hăn ro, tâm nchră rgâl ndoh ndơ đah 2 dak. Tâm nau ntrŭnh mbơh njoăl đă n’gâng kan ăp n’gor tâm êp đah n’har bri, wa Samdech Krala Hom Sar Kheng lah rjăp: rđau kan ăp n’gor tâm êp n’har bri Việt Nam hŏ geh nau khuch mpeh nau kan tâm mâp đah rđau kan ăp n’gor tâm êp n’har bah Việt Nam gay ma tâm rgop ƀư rƀŭn trực tuyến mô lah sŏng ngăn gay tâm nchră ndrel tâm ban mpeh ăp nau kan ntrŭt dăng nau tâm boh tâm nau kan mât rnă njrăng, đăp mpăn tâm lam nkuăl n’har bri, njrăng rdâng, lơh mprơh lơi nau kan rlet trong n’har bri tih dôih, nsum n’hâm njrăng rdâng nau ntưp rêng bah srê ji Covid-19 tâm nkuăl tâm kâng n’har./.

Nŭih rblang: H’Thi