VOV4.Mnông- Mhe aơ, chính phủ Campuchia lĕ pă an mpeh Lào 13 rkeh đôlar, ndrel đah 500 rbăn dĭng vacxin njrăng Covid-19, 3 bôk ndeh ô tô n’hanh ton mbra pă tay 100 rbăn ding rnôk Campuchia geh rvăt tay Vacxin Covid-19 ta let năp tay. Thủ tướng Campuchia Samdek Hunsen an gĭt, aơ lah nău kan kơl an băl mpôl rnôk mâp jêr jŏt. Păng lĕ lah na nê̆, rnôk nuĭh ƀon lan Campuchia mâp jêr jŏt rĭ ăp dak băl việt Nam, Lào way gŭ ndrel tâm kơl, tâm pêt. Kahgĭt ta ăp rơh jêr jŏt ntơm nơh, Thủ tướng Hun sen lah na nê̆, Campuchia way lah ueh ăp nuĭh băl Việt Nam n’hanh Lào. Năm 1979, Campuchia mâp âk nău jêr, rnôk nĕ nuĭh ƀon lan Việt Nam n’hanh Lào piăng mô tŏng sa, ao mô tŏng nsoh yơn hôm nha kơl an nuĭh ƀon lan Campuchia đŏng.

Nuĭh rblang: Thị Đoắt