VOV4.M’nông: Campuchia mbra ƀư tâm nchră gưl têh Á-Âu (ASEM) tâl 13 tâm nar 25 n'hanh 26/11/2021. Aơ lah nău lah dŭt mhe bah bộ Ngoại giao n'hanh tâm boh dak bah dih Campuchia. Ăp nuĭh kan ASEM n'hanh Campuchia ŭch rŏng ƀư du rơh hop pơk sŏng dăng yơn aƀaơ mô hŏ dơi n'glêh an lah hop pơk sŏng dăng mô lah mâp na nê̆ yor hôm nsing tâm nô nău nuh srê Covid-19 đŏng. Aƀaơ, ƀan tổ chức dôl tâm boh lhăt đah ủy ban njrăng n'gang nuh srê Covid-19 nsrôih joi trong nkra an dŭt uĕh an tâm nchră gưl têh Á – Âu tâl 13. Thủ tướng Campuchia Hun Sen hŏ lah rjăp, nău dăn ƀư tâm nchră gưl têh Á- Âu lah nău kan tâm boh dak bah dih way ơm bah Campuchia, lah rnôk gay Campuchia an năl saơ nău khlay ƀư tơm n'hanh ntŭk gŭ kan têh bah he, tâm ban kơt ntrôl dăng tâm rnôk lăp rgum nar lơn ma jru hvi tâm nkual n'hanh lam ntŭr neh./.

Nuĭh rblang: Điểu Thân