VOV4.M’nông: Nŭih Campuchia ndrel nŭih dak ba dih hŏ chuh vắc xin tŏng mô kâp nkhah rnôk tât tâm dak aơ lah geh nau năl mô geh ntưp ma srê Covid-19. Nau ntrŭnh aơ geh Thủ tướng Campuchia Hun Sen mhe mbơh ndrel geh nau tam ntơm lơ 15/11, nchâp đah ăp nŭih lăp tâm dak Campuchia bah trong ndeh mpăr, trong duk ndrel trong ndeh jâng. Tĭng nê, nŭih lăp tâm dak nê ân geh xét nghiệm năn ngăch ndrel kâp geh nau mbơh năl tâm 15 mnĭt. Lah geh nau năl mô ntưp, nŭih lăp nê ân geh doh rŏng hăn ro tâm ăp n’gor, nkuăl ƀon têh tâm lam dak Campuchia. Lah nŭih ê geh chuh vắc xin njrăng srê Covid-19, nŭih lăp gŭ mra geh sŏk mẫu xét nghiệm PCR, jêh nê nkhah tâm 14 nar tĭng nau ntrŭnh./.

Nŭih rblang: H’Thi