VOV4. M’nông: Liên minh Châu Âu (EU) hŏ mô dơi tât rnoh geh chuh n'gang Covid-19 an quý 1/2021 đah rmôt nuĭh kan dak si n'hanh nuĭh âk năm deh. Tĭng nău mbơh bah Ntŭk rgum mât kân n'hanh njrăng n'gang nuh srê Châu Âu (ECDC), mô geh du dak tâm mpôl EU dơi tât rnoh geh chuh n'gang Covid-19 an lĕ 2 rmôt nuĭh. Tâm rnoh ăp dak Châu Âu an ƀư chuh n'gang, Iceland lah du dak dŭt geh nău dơi đah 98% rnoh nuĭh kan dak si dơi chuh vaccine Covid-19 n'hanh 88,5% nuĭh âk năm deh dơi chuh n'gang ăp tŏng. Lôch bah kơi Ireland n'hanh Malta, Thụy Điển n'hanh Phần Lan. Bulgaria lah dak dâk n'glĕ dŭt rnôk dơn geh 5,1% rnoh nuĭh âk năm deh dơi chuh vaccine Covid-19.

Nuĭh rblang: Điểu Thân