VOV4.M’nông: Nau geh srê nuh Covid-19 ta Ấn Độ mra dôl lăp tâm rnôk geh nau ntưp rêng âk ngăn tâm nau geh ntưp bah nkuăl, rnôk ma rnoh nŭih ntưp kŏ tâm rnoh dêh mô lah mô lăng prêh. Aơ lah nau kơp dơn bah nŭih kan Khoa học Kruanh bah rmôt kan dak si lam ntur neh (WHO) Xô-u-my-a Xoa-mi-na-than. Rnôk ntưp rêng âk ngăn lah rnôk ma âk ngăn tâm rnoh nŭih hŏ geh dơi nti nau rêh nsum đah ntil kman. Păng êng ngăn đah rnôk srê tât ndrel kman ntưp rêng ndrel ntưp lam ƀon lan. Nŭih kan bah WHO ân lah, rnoh neh ndrel nau âk bah rnoh kon nŭih bah Ấn Độ, nau tât jêr mpeh rnoh nŭuih, mra dơi lah hŏ lăp tâm du rnôk ntưp rêng geh tâm nkuăl. Ấn Độ ân geh nkhah tât ăp ntŭk rgum ƀon lan, geh tât ăp nau nơih ntưp kơt rmôt geh nau khuch tâm ăp rơh srê bôk năp ndrel tal 2 mô lah ăp nkuăl geh rnoh ntưp rêng srê tâm rnoh dêh. Tâm ăp nkuăl aơ mra ntoh âk ngăn rnôk geh srê nuh tâm đê̆ khay tât./.

Nŭih rblang: H’Thi