VOV4.M’nông – Nău mbơh bah Ngih pah kan dơi kan n’gor Dak Lak ôi 9/8, kơp tât bah n’gul măng nar 24/7 tât aƀaơ (tâm rnôk nkual ƀon têh Buôn Ma Thuột n’hanh nkuăl Cư Kuin ƀư tĭng gŭ srang ƀah kon nuĭh njrăng. n’gang srê Covid-19 tĭng ntĭm đă 16 bah chính phủ), lĕ geh 390 nuĭh tih nău ntrŭnh njrăng n’gang srê. Dĭng lĕ rnoh prăk rmal ndơ̆ an tơm prăk Ngih dak rlău 500 rkeh prăk. Tâm nĕ, nkuăl Cư Kuin geh 4 nuĭh geh rmal, rnoh prăk 8 rkeh prăk; hôm ƀa ƀă 386 nuĭh ta nkual ƀon têh Buôn Ma Thuột. Nău rmal ăp nuĭh tih dơi ƀư rjăp, di nău ntrŭnh bah pháp luật, bah nĕ gay nking n’gang ăp nău ƀư tih, nkah ntĭnh ăp nuĭh an ƀư tĭng rjăp nău gŭ srang tâm ƀah, rgop đăp mpăn trong kan njrăng, n’gang srê Covid-19 ta n’gor geh tam âk ngăn.

Nŭih rblang: Y Sưng Phê Ja