VOV4.M'nông: Nar 5-11, HĐND n'gor Dak Lak an dŏng Nghị quyết mpeh nău mô sŏk prăk nti rơh I năm nti 2021- 2022. Nghị quyết dơi Rnâng kan HĐND n'gor Dak Lak an dŏng gay hŭch bah ir jêr jŏt an nuĭh ƀon lan ta năp tât khuch bah nuh srê COVID-19.  Tĭng nê, n'gor mbra mô sŏk prăk nti rơh I, năm nti 2021 - 2022 ntơm bah khay 9 tât lĕ khay 12-2021 đah kon se nti mẫu giáo, kon se nti phổ thông công lập, nuĭh nti ta ăp ntŭk giáo dục thường xuyên tĭng bôk nău kan ntĭm nti phổ thông ta n'gor. Prăk dŏng sŏk bah tơm prăk ngân sách ngih dak, tâm pă kơi trok tâm prăk way sŏk dŏng mbro hŏ tâm rlak đah tơm prăk dŏng nti rơh I năm nti 2021 – 2022 an ăp ntŭk ntĭm nti ngih dak tĭng trong tâm pă ngân sách dôl dŏng aƀaơ. Nghị quyết ntrŭt nsôr ăp ntŭk kan ntĭm nti mầm non, ntĭm nti phổ thông bah dih ngih dak geh trong kơl n'hŭch, rŏng an dơm prăk nti rơh I năm nti 2021 – 2022./.

Nuĭh rblang: Điểu Thân