VOV4.M’nông: Bol mô ho\ saơ geh nu^h ntưp ji môr trong n’hôr n’hâm ndal tă bah ntil mhe kaman corona lơh, yơn nu^h [on lan tâm ban kơt n’gâng kan dơi kan ta Dak Lak hôm ntrôl dăng pah kan njrăng n’gang nuh srê đo\ng, lơn lah tâm rnôk n’gor kâng n’har lah Khánh Hoà ho\ mbơh geh nu^h ntưp ji.

            Wa Giàng Seo Chu, ta thôn 11 xã Cư San, nkuâl M’Đrăk an g^t, du\t rvê yor saơ ta ăp ndơ pơk uănh nkoch trêng nău lư nkoch mpeh nuh srê ji môr trong n’hôr n’hâm ndal tă bah ntil mhe kaman corona lơh. Bol ma geh kop siăk ngăn yơn gay njrăng n’gang nuh srê, păng n’hanh I ur ho\ tât but săm uănh năl n’hâm soan ta ntu\k rgum dak si nkuâl Ma Đ’răk.

            “Ta nkuâl mpôl hên ri mô ho\ geh du hê nu^h ji, ăp trang mạng khân nkoch âk mpeh nuh srê ri kônh wa rvê jêng ân ntrôl dăng njrăng n’gang nuh srê, nt^m nti trong njrăng n’gang. Gâp n’hanh ur gâp ho\ tât uănh năl n’hanh siêu âm, uănh nsum mô geh ntil, ân njrăng der đah nuh srê gay đăp mpăn”.

            MĐrăk lah nkuâl mpeh luh nar n’gor Dak Lak, tâm kâng đah thị xã Ninh Hoà bah n’gor Khánh Hoà, geh quốc lộ 26 hăn rlău. Tâm nar 31/01/2020 mhe aơ, Bộ Y tế ho\ mbơh nău ji trong n’hôr n’hâm ndal tă bah ntil kaman mhe corona ntoh ta n’gor Khánh Hoà. Gay njrăng n’gang nuh srê geh nău tam, UBND n’gor Dak Lak geh si [u\t njoăl rđău đă ăp nhih nti ta n’gor an kon se rlu nti ntơm bah nar 4- 9/2/2020.

            Wa Trần Thị Thu Hiền- Groi hiệu trưởng nhih nti Phổ thông Dân tộc bán trú nkuâl MĐrăk an g^t, ndrel đah nău an kon se rlu nti t^ng nău rđău đă bah UBND n’gor, nhih nti ho\ kan nsum đah n’gâng kan dak ta nkuâl [ư mât kuaih kloh ue\h, puh nkh^t kaman, le\ rngôch jâng gung nhih nti tâm ban kơt nkual wa\r kiău ma.

            “Gay njrăng n’gang nuh srê tă bah kaman corona, nhih nti ho\ đă le\ rngôch cán bộ công nhân viên nu^h kan râng kuaih kloh ue\h, jut nsưng mpan, [ư sol aih wăr nhih nti. Rlău ma nê, kan nsum đah ntu\k rgum kan dak si nkuâl [ư puh nkh^t kaman gay nking nchăng nuh srê lôch rnôk geh nău rđău đă bah Sở giáo dục”.

            Bol ma ta Dak Lak mô ho\ năl geh du hê nu^h ji trong n’hôr n’hâm ndal tă bah ntil kaman mhe corona lơh, yơn le\ rngôch nu^h [on lan n’hanh n’gâng kan mô saơ kơt nê| ma uănh lhơ pah kan njrăng n’gang nuh srê.

            Wa Lê Thị Thuỷ- Giám đốc ntu\k rgum kan dak si nkuâl MĐrăk an g^t, t^ng [ư nău rđău đă bah Sở Y tế n’gor Dak Lak, đơn vị ho\ njêng 1 tiểu ban, rmôt gu\ kâp kan 100% rnoh nu^h gay njrăng n’gang nuh srê, rdâng lơh đah nău tât du\t djơh geh tât.

“Ta năp măt mpôl hên njêng tiểu ban săm n’hanh rmôt kan nchrăp lor n’hanh du nkual nhih dak si rnă lor njrăng n’gang nuh srê. Bol ma ta Dak Lak mô ho\ ntoh nuh srê yơn mpôl hên du\t n’hâm njrăng, way nchrăp du\t âk. Mpôl hên [ư but săm sơch ăp nu^h tă hăn s^t bah Khánh Hoà s^t gay an gu\ săm êng, but săm ji ta jay du đêt nu^h kop ji ta nkuâl. Nt^m nti nu^h [on lan ăp trong njrăng der nuh srê geh nău tam”.

Ta năp nău tât mô g^t năl lor bah ji trong n’hôr n’hâm ndal tă bah ntil kaman mhe corona lơh, lơn lah tâm rnôk n’gor Khánh Hoà mbơh nuh srê, UBND n’gor Dak Lak ho\ njêng {an njrăng n’gang nuh srê tă bah wa H’Jim Kđoh, Groi kruanh UBND n’gor [ư kruanh. Nkre dăn đă ăp nkuâl [ư bah, rlu ngăn ăp nău kan văn hoá, lễ hội bôk năm mhe 2020; ăp n’gâng kan, ăp nkuâl n’hao âk lơn đo\ng pah kan njrăng n’gang nuh srê nkhêp geh nău tât ndal.

Wa Nay PhiLa- Giám đốc Sở Y tế n’gor Dak Lak, Groi kruanh {an rđău đă njrăng n’gang nuh srê n’gor Dak Lak an g^t, a[aơ le\ rngôch ăp nkuâl, thị xã, nkual [on têh tâm n’gor ho\ njêng tiểu ban njrăng n’gang nuh srê đo\ng.

            “N’gâng kan dak si mpôl hên ho\ njêng ngăn du ntu\k an gu\ săm êng nklăp 200 nsưng b^ch ji gay rdâng lơh nkhêp geh nău tât djơh. Lah lhăt bêng ir mpôl hên mbra njêng nhih dak si ntrơn hăn t^ng ntu\k n’hanh nơm geh nău ntop kơl bah mpôl tahen tât kơl, ntop kơl. Rlău ma nê ri pah kan but săm ji hôm dơi đăp mpăn đo\ng. Đah ăp nu^h tât bah Khánh  Hoà, Đà Nẵng…Mpôl hên mbra manh an gu\ êng, puh nkh^t kloh kaman săk nu^h n’hanh ndeh gay njrăng n’gang nuh srê”./.

Nu^h nchih rblang: Điểu Thân