VOV4.M’nông: Kêng măng 4/5, Rnâng kan rđau nau njrăng rdâng srê Covid-19 nkuăl Cư Mgar, n’gor Dak Lak hŏ geh nau ntrŭnh mbơh đă ndal njoăl tât ăp ntŭk kan geh tât mbơh mpeh du hê nŭih geh ntôn ntưp srê Covid-19. Tĭng nau ntrŭnh đă, tâm rnôk du mông kêng măng 4/5, Ngih dak si nkuăl têh Ea Pôk, nkuăl Cư M’gar geh ndơn du hê nŭih tât mbơh păng tă sĭt bah Đà Nẵng. Nŭih aơ geh geh mpơl nau ji kơt siăk, ji kop duh, luh dak muh…Jêh geh ndơn nau mbơh, nŭih aơ geh bu sŏk mham njoăl tât Viện vệ sinh dịch tễ Tây Nguyên gay ma uănh năl ndrel dôl ma kâp. Rnôk aơ nŭih aơ dôl geh leo nkhah tâm khoa Nhiễm bah Ngih dak si nkuăl Cư M’gar. Jêh rnôk ndơn nau mbơh mpeh nŭih ntôn ntưp, ăp rmôt kan hŏ ntơm ƀư nau mpuh nkhĭt kman tâm Ngih dak si xã Ea Pôk, ngih rlu năch Tứ Quý, ngih ndeh rdeng năch Toàn Thông ndrel nkhah tâm ngih đah ăp nŭih geh mâp ma nŭih mhe nkah./.

Nŭih rblang: H’Thi