VOV4.M’nông: Nkuăl ƀon têh Buôn Ma Thuột mra lŏ ƀư nau nkhah srang tĭng nau rđau rmô 16 bah Thủ tướng Chính phủ tâm 7 nar, kơp ntơm lơ 8/8. Aơ lah nau rđau kan mhe ngăn bah n’gor Dak Lak mpeh nau kơt tĭng nau nkhah srang nŭih gay ma njrăng rdâng srê Covid-19. Tĭng UBND n’gor Dak Lak, bah 14 nar ƀư nau nkhah srang tĭng nau rđau mrô 16 bah Thủ tướng Chính phủ tâm nkuăl ƀon têh Buôn Ma Thuột ndrel nkuăl Cư Kuin, bol ma nŭih ntưp srê Covid-19 hao yơn lah tâm ntŭk nkhah rgum ndrel nkuăl geh njrăng. Đah nkuăl ƀon têh Buôn Ma Thuột, hôm ơm nŭih ntưp ma ê geh gĭt kloh tu tơm, ân geh lŏ n’hao nau kan rgot joi ndrel ƀư xét nghiệm âk. Ndri ma, UBND n’gor Dak Lak ntrŭnh, nkuăl ƀon têh Buôn Ma Thuột mra lŏ tĭng nau ntrŭnh mrô 16 bah Thủ tướng Chính phủ tâm 7 nar tay kơp ntơm lơ 8/8 lôch lơ 14/8 năm 2021. Đah nkuăl Cư Kuin, kơp ntơm lơ 8/8 mra kơt tĭng nau rđau mrô 15 bah Thủ tướng Chính phủ tâm 14 nar./.

Nŭih rblang: H’Thi