VOV4.M’nông – N’gor Dak lak lĕ ntrŭnyh an ƀư chuh rlău 17 rbăn dĭng vaccine Covid-19 ntơm bah nar aơ 24/4, ơm lơn 3 nar nkôp đah trong nchrăp. Ta lam n’gor Dak Lak, N’gâng kan dak si lĕ ư tiăr nti na nê̆ an ăp kruanh, cán bộ, nuĭh pah kan chuh; mbơh mpeh vaccine Covid-19; ntĭm dŏng, săch lor rnôk chuh; ntĭm mkra săm ndal dun rlơn dak si, đăp mpăn chuh. Nău ƀư chuh vačine njrăng Covid-19 rơh aơ, n’gor Dak Lak dơi pă 17.050 dĭng gay chuh an 3 rmôt nuĭh geh ăp nuĭh pah kan ta ăp ngih dak si, nuĭh râng njrăng n’gang srê n’hanh rmôt tahen. Nar chuh bah nar 24/4 tât nar 5/5/2021.

Nchrăp an chuh vaccine

Gay geh nău ŭch rlău 95% nuĭh kơl lor dơi chuh, Dak Lak dŏng trong chuh pơk hvi ơm geh ta n’gorr n’hanh chuh tay 2 ntrong kan rlong chuh đăp mpăn ta Ngih dak si Đa khoa nkual Tây Nguyên n’hanh ngih dak si Đa khoa nkual ƀon têh Buôn Ma Thuột.

Nŭih rblang: Y Sưng Phê Ja