VOV4.M’nông: Dĭng nar 9/8, n’gor Dak Lak hŏ ƀư ndâk leo rmôt kan hăn vơt 478 nŭih ƀon lan tă bah nkuăl ƀon têh Hồ Chí Minh sĭt tâm nkuăl gay ma der srê. Aơ lah rơh bôk năp Dak Lak ntrŭnh nau leo rmôt hăn kan gay ma vơt ƀon lan hăn sĭt. 478 nŭih sĭt rơh aơ lah ăp nŭih geh kơl an lor kơt: Bu ranh, kon se bu ur bŭn, bu ur dôl rong kon tâm dâng 36 khay, nŭih hăn khám, săm ji, mât chăm nŭih ji, hăn pah kan ê dơi sĭt, nŭih dôl geh nau kơl an prăk kơl bah ngih dak ăp khay, nŭih băl mpôl hăn nsum ma kon se tâm dâng 10 năm, bu ranh, bu ur bŭn, nŭih ji

Rmôt nŭih hăn vơt ƀon lan sĭt

  Rmôt ndeh hăn vơt nŭih sĭt

Geh nau gŭt sĭt ƀon nơm. Êng nŭih geh vơt sĭt ân geh xét nghiệm năl mô ntưp ma srê Covid-19. Jêh rnôk sĭt tâm nkuăl, ntă dê nkuăl ri mra sĭt gŭ nkhah rgum êng tâm nkuăl nê 14 nar ndrel lŏ nkhah êng tâm ngih 7 nar. 22 ndeh vơt ƀon lan rơh aơ geh rmôt kan Phương Trang kơl an dĭng lĕ prăk nchuăn rdeng./.

Nŭih rblang: H’Thi