VOV4.M’nông – Rƀŭn nchră lĕ rngôch rơh tal 6 Ban Chấp hành Trung ương Đảng Cộng sản Trung Quốc khóa 19 lĕ ntơm ƀư nar 11/11 ta Bắc Kinh jêh 4 nar rgum rƀŭn. Tĭng nău mbơh bah rƀŭn nchră, Nghị quyết mpeh ăp nău geh têh khlay n’hanh nău blău ơm kăl e 100 năm nsrôih bah Đảng Cộng sản Trung Quốc lĕ dơi lĕ rngôch rƀŭn nchră uănh mĭn tay mbơh an. Aơ lah nghị quyết mpeh lịch sử tal 3 bah Đảng Cộng sản Trung Quốc. Bah năp đaơ, đảng aơ tă an 2 nghị quyết mpeh lịch sử geh tưp têh kuăng tâm ăp năm 1945 n’hanh 1981. Tĭng nău mbơh nkoch Trung Quốc, nghị quyết aơ lĕ rgum âk nău blău ơm têh kuăng n’hanh ntĭm trong an tâm rgŏ năp bah Trung Quốc. Tổng Bí thư Đảng Cộng sản Trung Quốc Tập Cận Bình lĕ geh nău răk ngơi khlay bah năp lĕ rngôch rƀŭn nchră. Ta rƀŭn nchră aơ, du nghị quyết khlay êng mpeh Đại hội đại biểu lam dak rơh tal 20 Đảng Cộng sản Trung Quốc lĕ mbơh an. Tĭng nĕ, rơh đại hội aơ mbra dơi ƀư tâm n’gul năm 2022 ta Bắc Kinh.

Nŭih blang: Y Sưng Phê Ja