VOV4.M’nông: Nau geh jêh kơp phiếu ôi 8/4 ân saơ, Đảng mât kan bah Tổng thống Hàn Quốc Moon Jae-in hŏ mô geh nau dơi tâm rnôk săch kan ân ăp nau kan Kruanh khlay. Âk rkeh nŭih Hàn Quốc hăn nklăch phiếu gay ma săch rđau kan bah bar nkuăl ƀon têh têh ngăn tâm neh dak, Thủ đô Seoul ndrel nkuăl ƀon têh mpông dak lêng Busan. Rơh săch kan geh ân lah du mâng veh khlay mpeh nau rnơm bah Đảng Dân chủ tâm nau săch kan bah Tổng thống Hàn Quốc, nchrăp geh ƀư tâm khay 3 năm ba kơi. Tĭng nau geh mbơh ôi 8/4, wa Oh Se-hoon, nŭih kan bah đảng nŏng êng n’hâm soan ƀon lan hŏ geh nau dơi rlau Đảng dân chủ mât kan đah rnoh phiếu lah 57,5% rđil 39% bah wa Park Young-sun gay ƀư Kruanh nkuăl ƀon têh. Nau kan ƀư Kruanh nkuăl ƀon têh Busan kŏ geh đảng n’hâm soan ƀon lan mât./.

Nŭih rblang: H’Thi