VOV4.M’nông: Đảng Dân chủ Tự do (LDP) mât nau kan Nhật Bản mra ƀư nau săch kan gay ma joi luh nŭih rđau kan mhe tâm dŭt khay aơ. Ăp nŭih hŏ geh nau mbơh nau kan nchră nau, rnă njrăng neh dak bah năp nau ân săch kan ngăn. Kruanh n’gâng kan ơm wa Ki-si-đa Phư-mi-ô mbơh mra tĭng ngăn nau đăp mpăn tâm gôl dak lêng Đài loan, lah rjăp nau râng mât ăp rnoh kơl an ƀon lan ƀư tơm ân tâm ban. Păng kŏ nkoch tay lah mra ndâk di rmôt ƀư knŭng du nau kan ân Thủ tướng ƀư ăp nau kan mpeh kơl an kon nŭih. Kruanh n’gâng kan rgâl hành chính Cô-nô Ta-rô kŏ ƀư âk nau kan rƀŭn nchră đah ăp nghị sĩ tâm đảng LDP gayu ma joi luh nau kơl an. Tâm rnôk nê, Kruanh n’gâng kan Nội vụ Ta-cai-chi Sa-na-ê lŏ ân lah Nhật Bản ân geh phao ŭnh trong hăn ân tâm di ndrel mra lơh lor gay ma mô ân geh ăp ntŭk gŭ bah phung nŏng êng./.

Nŭih rblang: H’Thi