VOV4.M’nông – Nuĭh kruanh ngih pah kan n’har bri EU an gĭt Liên minh châu Âu (EU) dôl nchrăp an du trong nuĭh Afghanistan dăn gŭ ndê. Kruanh ƀĭt joet Ngih pah kan mât njrăng n’har bri Liên minh châu Âu (Frontes), an gĭt trong nuĭh gŭ ndê mhe mbra hăn rlău trong mbơh nău kơt bah Thổ Nhĩ Kỳ tât Hy Lạp n’hanh trong mhe kơt tă bah Bê-la-rút. Tĭng tâm nu nău tâm trôm neh dak Afghanistan, Ngih pah kan mât njrăng n’har bri Liên minh châu Âu nchrăp ăp nuĭh Afghanistan rêh ta ăp dak kiău ma mbra nsrôih tât châu Âu. EU dôl nsrôih mât uănh trong trơn gŭ jêh rơh duh jêr năm 2015-2016, rnôk rlău 1 rkeh nuĭh trơn gŭ lăp châu Âu, lĕ rngôch hăn jâng rlău Ban-căng gay tât Bắc Âu.

Nŭih rblang: Y Sưng Phê Ja