VOV4.M’nông: Châu Âu ân geh ndâk ăp nau kan kơl an ngăn gay ma ndơn ăp nŭih hăn gŭ du der tă bah Afghanistan. Aơ lah nau kơp dơn ngăn bah Cao uỷ mpeh nau kan văng sa bah Liên minh Châu Âu Paolo Getiloni ndŏ mbơh tâm nau nchih nkoch nau mhe bah Italia Messaggero luh tâm lơ 17/8. Tĭng wa Paolo Gentiloni, Châu Âu mra mô dơi der ăp nau nchrăp nau kan kơl an gay ma der ăp nŭih lăp gŭ nde tih dôih kơt lah tă nau mâp geh ta Syria 10 năm bah năp. Cao uỷ mpeh văng sa bah Liên minh Châu Âu kŏ mbơh, Kruanh n’gâng kan ăp dak kan nsum bah Liên minh Châu Âu rƀŭn nchră mpeh nau rŭng răng ta Afghanistan jêh rnôk neh dak Nam Á aơ tŭp tâm ty bah rmôt Taliban. Tâm du nau mơh geh tât, ntŭk kan Thủ tướng Anh bah năp nê mbơh, dak aơ ơm mra mbơh nau nchrăp ndâk tay nau kan gŭ âm ân nŭih gŭ du der Afghanistan./.

Nŭih rblang: H’Thi