VOV4.M'nông: Liên minh Châu Âu (EU) mhe n'glêh an ntruch ndal nar tâm nchră mpeh Hiệp định dah rŏng tăch rgâl đah Australia tâm khay 11 tât, jêng lah nkai lơn du khay rđĭl đah trong nchrăp ma mô rblang gĭt nkô̆. Tâm rnôk Pháp, du dak lăp kan nsum bah Liên minh Châu Âu dôl hôm nuih ăl đah nău Australia rgâl rvăt tàu ngầm nchuăt ma ŭnh nar hạt nhân bah Mỹ, nău kan dja bah EU mbra dơi uănh lah du nău plơng lơh "đê̆ đă" đah Australia. Bộ trưởng Thương mại Australia Dan Tehan an gĭt, rvăch tâm nchră tâl 12 đah dak dja n'hanh Liên minh Châu Âu (EU) mpeh Hiệp định dah rŏng tăch rgâl mbra ƀư tâm khay 11 rgâl bah hôm ma khay 10 dja. Liên minh Châu Âu hŏ rgâl ndal nar ma mô rblang gĭt kloh nkô̆. Tâm pơh bah kơi tay, Bộ trưởng Dan Tehan mbra mâp wa Valdis Dombrovskis, Cao ủy Tăch rgâl bah Liên minh Châu Âu gay tâm nchră mpeh rnôk ƀư rvăch tâm nchră mhe./.

Nuĭh rblang: Điểu Thân