VOV4.M’nông – Bôl geh khuch bah srê Covid-19, yơn tâm 6 khay bôk năm 2021, ngăch hao jêng wăng sa ta Gia Lai hôm e geh 9,7%, hao rlău 2 tơ̆ nkôp đah rơh aơ năm e. Nău mbơh aơ dơi mbơh ta nar ntơm ƀư rơh rƀŭn rơh tal 2, năm kan 2021-2026 bah HĐND n’gor Gia Lai, ƀư ôi (9/8) ta nkual ƀon têh Pleiku. Tĭng nău mbơh ta rơh rƀŭn, đah dĭng lĕ ndơ geh tâm n’gor geh 9,7%, ngăch hao jêng wăng sa 6 khay bôk năm 2021 bah Gia Lai âk 2,33 tơ̆ nkôp đah rơh aơ năm 2020. Tâm 6 khay, n’gor ƀư tĭng tâm ban ăp trong njrăng n’gang srê Covid-19 lăp, ntưp rêng tâm ntŭk gŭ rêh, chuh vaccine njrăng n’gang srê Covid-19 an rlău 47.800 nuĭh, geh tâm nuĭh kơl lor. Rơh rƀŭn tal 2, năm kan 2021-2026, HĐND n’gor Gia Lai nchrăp ƀư tâm 2 nar (9 n’hanh 10/8) mbra uănh mĭn tay, tâm nchră, tă bah 12 păng sam ƀŭt mbơh n’hanh nău nchrăp ƀư Nghị quyết. Tâm nĕ, sam ƀŭt mpeh nkra rgâl Nghị quyết mrô 100 bah HĐND mpeh kơp uănh tay, nkra rgâl dăp rgum 3 ntil bri (lvang 2025-2030), dôl wăch rgum uănh mĭn bah nău lư.

Nŭih rblang: Y Sưng Phê Ja