VOV4.M’nông – Tâm rơh khâl na nê̆ Việt Nam nkhêp di nkah gĭt 50 năm tâm boh tâm rnglăp nchră nău Việt Nam-Thụy Sỹ, Groi Tổng thống, Kruanh N’gâng kan tâm rnglăp nchră  Thụy Sỹ Ignazio Cassis lĕ geh rơh rgum nchră đah Groi kruanh dak Võ Thị Ánh Xuân.

Groi Kruanh dak Võ Thị Ánh Xuân wơt Groi Tổng thống Thụy Sỹ

Ta nar wơt, Groi Kruanh dak Võ Thị Ánh Xuân nkoch nău răm rhơn bah năp nău hun hao uĕh bah nău tâm boh dăch dêh way ơm đah 2 dak, đă 2 ding kan ndrel tay hăn jru hvi, săk rnglăy, ngăn ngên, tŏng ăp nău geh bah 2 dak, nkre rgop an đăp mpăn, tâm rnglăp n’hanh kan ndrel ta nkual n’hanh lam ntŭr neh. Groi Tổng thống Ignazio Cassis uănh lah prêh ăp nău nsrôih n’hanh tâm pă ăp jêr jŏt bah Việt Nam tâm rơh rdâng đah ntoh luh srê Covid-19, nău mbơh Chính phủ Thụy Sỹ ntrŭnh an ntop kơl ngăch an Việt Nam 500.000 bộ kít rlong ngăch, 300.000 blah bok put mbung nchăng n’gang kaman n’hanh 30 măy nsôr n’hâm oxy đah dĭng lĕ khlay nklăp 120 rmen prăk Việt Nam.

Nŭih rblang: Y Sưng Phê Ja