VOV4.M’nông: N’gâng kan nchră nau Hàn Quốc lơ 4/1 hŏ ntoh nau kơl an ngăn nau ton lah nsum bah rđau kan gưl prêh 5 neh dak geh ndrak nsiu lah Mỹ, Nga, Trung Quốc, Anh ndrel Pháp mpeh nau njrăng rdâng nau tâm lơh ma ndrak nsiu. Hàn Quốc mpŏng ŭch nau ton lah aơ mra rgop nau tâm nau n’hao nau kan mô hôm geh dŏng ndrak nsiu bah lam ntur neh, yor nau rnă njrăng ndrel đăp mpăn tâm lam ntur neh, tâm nau tĭng nau ton mô hôm geh dŏng ndrak nsiu (NPT). Ngăn lah, N’gâng kan nchră nau Hàn Quốc rnê ngăn nau kan 5 dak geh ndrak nsiu tâm rơh aơ lah rjăp “mô geh nŭih geh nau dơi tâm nau tâm lơh ma ndrak nsiu ndrel mô geh dơi geh nau tâm rdâng bôk aơ jêng nau tâm lơh”. Nau ton lah aơ, Seoul kuăl jă ăp dak dŏng nau kan ndrak nsiu dơi geh ƀư du nau ngăn tâm nau kan mô dŏng ndrak nsiu, rgop nau dơi tâm nau ndâk njêng nau tâm nchră bar ding ndrel âk ding gay njrăng rdâng nau tâm rlong leo ndrak nsiu./.

Nŭih rblang: H’Thi