VOV4.M’nông – Tâm nău ntoh ngơi ntơm ƀư rƀŭn Lam ntŭr neh yor đăp mpăn Hàn Quốc ôi 31/8, Kruanh N’gâng kan Thống nhất Lee In-young lĕ kuăl jă ơm nthoi tay ăp rơh tâm nchră đah Triều Tiên, gay rƀŏng tât đăp mpăn jŏ jong. Pơng an lah, n’ăp rnôk mô hŏ dơi geh uĕh gay tâm nchră, ri bôk năp, Hàn Quốc, Triều Tiên n’hanh Mỹ an pơk ăp trong tâm ôp, gŭ tay ndrel n’hanh ăp rơh tâm nchră tay. Knŭng geh tâm nchră du trong gay dơi geh ăp nău rƀŏng ma ăp nuĭh ŭch. Kruanh n’gâng kan Lee In-young mpŏng Triều Tiên mbra nthoi tay mpeh kan ndrel tâm nău kan kơl nuĭh yor dak aơ dôl rdâng đah ăp ntŭl rlong bah srê Covid-19, rgâl trôk nar n’hanh ăp nău ntêt nkri êng ma mô geh du dak dơi mkra êng nău.

Nŭih rblang: Y Sưng Phê Ja