VOV4.M'nông: Tâm nău lah nkhêp nkah ndray 73 năm Nar Mpôl tahen Hàn Quốc, Tổng thống Hàn Quốc Moon Jae-in mbơh mbra njêng luh du jâng nsing đăp mpăn jŏ jong kalơ gôl dak Triều Tiên. Păng an gĭt, đah trong ƀư lah Tổng tư lệnh neh dak, nău dơn kan dŭt têh n'hanh dŭt khlay bah păng lah rdâk njêng n'hanh mât du jâng nsing đăp mpăn n'ho ro ta gôl dak. Păng mpŏng đah nău dăn đă ndơ̆ luh dŭt bah tâm lơh tâm su Triều Tiên mbra pơk luh du rơh mhe nkra bah tâm rkeh n'hanh tâm  boh mhe. Tổng thống Mun Chê-in nsing nơm tâm nău dơi mât đăp mpăn rnă njrăng bah tahen, bah nuih êng mpeh ăp rơh rlong pănh grăp ŭnh bôk ndrak bah tàu ngầm mhe aơ bah Hàn Quốc. Tĭng păng, tahen Hàn Quốc mbra way tâm rdâng đah ăp nău ntêt nkri nău đăp mpăn bah nuĭh ƀon lan./.

Nuĭh rblang: Điểu Thân