VOV4.M'nông: Nhih pah kan kơp uănh n'hanh Njrăng n'gang nuh srê Hàn Quốc (KDCA) mbơh 2.434 nuĭh ntưp mhe tâm 24 mông aơ. Aơ lah rnoh nuĭh ntưp mhe tâm nar dŭt âk tâm 1 khay dăch aơ ta Hàn Quốc. Tĭng nchih rgum bah KDCA, rnoh âk nuĭh khĭt n'hanh ăp nuĭh ji jru  hôm ta rnoh đêt n'hanh đăp mpăn đŏng, lơn âk nơm geh chuh vaccine an lor đah ăp nuĭh âk năm deh geh ma nău ntưp. Thủ tướng Hàn Quốc Kim Boo-kyum lah rjăp nău khlay tâm nău dŏng ăp nkôp nău way njrăng n'gang nuh srê lhăt lơn, lơn lah tâm rơh rlu ntoch jong 3 nar kêng dŭt pơh dja. Mpôl mât uănh nău kan Hàn Quốc njrăng đă lor nuĭh ƀon lan plơ̆ sĭt lôch nar rlu ân uănh năl mham lor rnôk plơ̆ hăn kan tay. Chính phủ Hàn Quốc dôl rdâk njêng trong nchrăp rêh nsum đah Covid-19, mbrơi pơk tay mpông jâng wăng sa kơp ntơm bah kêng dŭt khay 10, lôch rnôk nklăp 80% rnoh nuĭh têh kuâng chuh dơi 2 n'glai vaccine.

Nuĭh rblang: Điểu Thân