VOV4.M’nông: Thủ tướng Hàn Quốc Hong Nam-ki lơ 26/4 ndŏ mbơh nau lam ƀon lan, mbơh tâm pơh bah năp nơh, Hàn Quốc hŏ ký nau kan rvăt tay 40 rkeh dĭng vắc xin njrăng rdâng srê Covid-19 bah Pfizer, Mỹ. Tĭng nê, Hàn Quốc hŏ đăp mpăn geh dĭng lĕ 192 rkeh dĭng vắc xin njrăng rdâng srê Covid-19, tâm ban tŏng chuh ân 99 rkeh nŭih, âk rlau 1,9 rkeh rnoh nŭih. Rnoh vắc xin ba lơ nê âk rlau nklăp 3 tŏ nau ŭch chuh lah 36 rkeh nŭih gay njêng nau dơi dăng châl tâm ƀon lan. Wa Hong Nam-ki mbơh, rnoh vắc xin rvăt tă bah Pfizer kơl an ndâk nau ueh gay Hàn Quốc ơm geh nau dơi njrăng rdâng srê. Rlau ma nê, Seoul mra dơi rdâng đah nau ăp nau ŭch geh êng tâm rơh tât, kơt pơk hvi tay nau chuh ân ăp nŭih tâm dâng 18 năm, chuh nkah dĭng tal 3 gay ma njrăng rdâng đah ntil srê dăng êng mhe./.

Nŭih rblang: H’Thi