VOV4.M’nông: Nau ŭch “hộ chiếu vắc xin’ gay ma nchrăp vơt năch tă bah dak ba dih tâm rnôk mhe, N’gâng kan Văn hoá-thể thao-pâl n’aih dôl rđau N’gâng kan pâl n’aih pah kan đah ăp rmôt geh tât, rmôt pâl n’aih, ntŭk kan tăch rgâl ndâk njêng ngăn gay ma mât năch. Nchrăp ntơm rnôk aơ tât dŭt khay 4, N’gâng kan aơ mra mbơh Thủ tướng ăp nhoay rlong săch ân du đê̆ ntil ndơ, ntŭk kan gay ma dŏng hộ chiếu vắc xin, pơk trong vơt năch nkre đăp mpăn tâm nau njrăng rdâng srê. Yơn lah, nau đă pơk mpông vơt năch pâl n’aih dak ba dih ân geh ndâk tĭng trong, ân geh nau rlong ndrel đăp mpăn nau rsê nuh mro geh kơl lor. Ntơm khay 4/2020 tât nrôk aơ, Việt Nam nsrŭng ăp trong mpăr tă bah dak ba dih, yoor ri ma rnoh năch ngăn lah ăp nŭih kan gưl prêh, nŭih pah kan gưl prêh, nŭih ntuh kơl…dak ba dih pah kan tâm ăp nau kan ta Việt Nam./.

Nŭih rblang: H’Thi