VOV4.M'nông: Hội đồng Bảo an Liên hợp quốc nar 24/8 hŏ rgum hop way ăp khay mpeh nô nău ta Syria. Ăp nuĭh kan mbơh nău lư nkoch nău klach rvê mpeh nô nău rnă njrăng jŭr djơh tâm du đêt khay mhe aơ, lơn lah ta nkual Tây Bắc n'hanh Tây Nam bah Syria. Ăp nuĭh kan mbơh nău nkre rhơn rnê nău Hội đồng Bảo an tâm ban ŭch njong nău way trong kơl rlău n'har bri tât Syria tâm khay 7/2021, nkre mpơl nău klach rvê mpeh tât khuch jru bah nău tâm lơh tâm su, duh jêr wăng sa n'hanh nuh srê COVID-19 tât hang rkeh nuĭh ƀon lan ngăn. Ăp dak lăp kan nsum Hội đồng Bảo an lah rjăp nău khlay bah nău ntrŭt ntrôl joi trong nkra chính trị lam lĕ rngôch nsing kalơ Nghị quyết 2254 bah Hội đồng Bảo an, rƀŏng tât nkra dŭt bah ngăn rơh duh jêr ta Syria. Ăp dak lăp kan nsum tâm pă nău klach rvê mpeh nô nău rnă njrăng geh nău mpơl jŭr djơh n'hanh kuăl jă ăp ding nkân nkân, nta trong dơh an trong tâm dâl nău n'hanh tâm nchră, mât njrăng nuĭh  ƀon lan ngăn n'hanh mât trong ntop kơl nuĭh ƀon lan./.

Nuĭh rblang: Điểu Thân