VOV4.M'nông: Ta năp geh ma nău hao âk nuĭh ntưp Covid-19 tă bah njêng săk Omicron, Bộ Y tế Indonesia hŏ n'gluh an thông tư mpeh nău nking nchăng n'hanh mât kân ăp nuĭh ntưp Covid-19, njêng săk Omicron mbra dơi ƀư ta lĕ rngôch ăp nkual ta Indonesia. Tâm rơh hop báo dŭt mhe aơ, nuĭh ntơh ngơi Bộ Y tế Indonesia, Siti Nadia Tarmizi an gĭt, ăp nuĭh ntưp njêng săk Omicron ta Indonesia lơn âk ăp nuĭh ƀon lan Indonesia mhe plơ̆ sĭt ta ăp bôk ndeh păr. Tâm lĕ rngôch rnoh 254 nuĭh ntưp njêng săk mhe ta Indonesia geh 239 nuĭh lăp bah dih n'hanh 15 nuĭh ntưp rêng tâm lam ƀon lan. Jêng nê, Bộ Y tế Indonesia hŏ n'gluh an dŏng thông tư gay n'hao dăng rgum suan đah n'gâng kan Trung ương n'hanh n'gor, nkre n'hao dăng nău gĭt êng tâm nău mât uănh ăp nuĭh ji ta ăp ntŭk rhŏ dŏng kan dak si./.

 Nuĭh rblang: Điểu Thân