VOV4.M'nông: Nar 18/10, Bộ Ngoại giao Iran an gĭt, ăp rơh nsŏng kơl nău đah Liên minh châu Âu (EU) geh nău tâm rgop n'hanh Iran mô ndơ̆ luh nău nkol plơ̆ tay tâm nchră hạt nhân. Ntơh măt Bộ Ngoại giao Iran lah rjăp, ăp nău kol rvăch tâm nchră tay Vienna ntơm nơh mô geh nău tam, ân dơi ndơ̆ luh tâm nchră. Iran lah rjăp nău mĭn mô mpŭng lir mông nar tâm ăp rơh tâm nchră. Dak dja aƀaơ dôl mât trong nsŏng kơl đah ăp băl mpôl, tâm nê geh Nga, mpeh nău plơ̆ tay tâm nchră hạt nhân. Nuĭh ntơh ngơi Bộ Ngoại giao Iran an gĭt tay, nău n'glêh an bah Tổng thống Ibrahim Raisi nê lah mbra plơ̆ tay ăp rơh tâm nchră hạt nhân n'hanh Tehran mô ndơ̆ luh nău nkol lor gay plơ̆ tay tâm nchră, lơn lah đah Washington. Yơn lah, Iran dôl ŭch ton lah, Mỹ mbra mô ntlơi du rơh tâm ton du tơ̆ tay đŏng./.

Nuĭh rblang: Điểu Thân