VOV4.M'nông: Iran tâm nar 08/11 mbơh, Mỹ ân ton lah khân păng mbra mô ntlơi nău tâm ton hạt nhân 2015 du tơ̆ tay đŏng lah ăp rơh tâm nchră rdâk tay nău tâm ton dja geh nău dơi. Nău mbơh dja bah Iran dơi ndơ̆ luh lôch rnôk ăp ding râng tâm ban ŭch nthoi tay tâm nchră tâm kêng dŭt khay dja. Tĭng nuĭh ntơh ngơi Bộ Ngoại giao Iran , Mỹ ân ntlơi lĕ rngôch ăp nău ntrŭnh rmal ntrŏng lơh tâm dak dja ta rơh Tổng thống Trump tĭng trong mbra dơi uănh năl. Bah năp nê, tâm rơh kuăl điện tâm nchră đah nuĭh ndrel gưl kan Nga, Ngoại trưởng Iran an lah, chính phủ ăp dak phương Tây ân "ƀư jêng ngăn ngăn" tâm nchră hạt nhân đah Iran n'hanh mô dơi luh rlău bah dih trôm tâm ton năm 2015 ma ăp ding dôl joi trong rdâk tay. Ăp rơh tâm nchră bah ngai đah Iran n'hanh Mỹ ơm geh mbrơi mbrơi ntơm bah khay 6 mhe aơ nchrăp mbra rdâk ƀư tay tâm nar 29 khay 11 tât ta Vienna, Áo gay joi trong nkra rdâk tay nău tâm ton hạt nhân 2015.

Nuĭh rblang: Điểu Thân