VOV4.M’nông – Iran ŭch n’hao kan ndrel lĕ rngôch đah Nga, gay ndơ̆ tâm boh kan ndrel 2 dak hao prêh mhe. Aơ lah nău mbơh bah Tổng thống Iran Ebrahim Raisi tâm rơh kuăl tâm nchră đah nuĭh tâm ban gưl kan Nga Vladimir Putin tâm nar 18/8. Tĭng wa Ebrahim Raisi, Iran mbra tâm rgop kan ndrel rjăp đah Nga gay dôh rklaih ăp wăk kol tâm boh 2 dak, pơk du trong kan ndrel mhe n’hanh nsrôih n’hao tăch rgâl đah Nga. Lơn lah, Iran ŭch ơm ký ton kan ndrel lĕ rngôch đah Nga. Tâm rơh tâm nchră, Tổng thống Iran lah uĕh đah Nga lĕ kơl nău ŭch bah dak aơ tâm nău rgum lăp Rmôt kan ndrel Thượng Hải, uănh aơ lah ăp nău ƀư ngăn ngên gay nâp nâl tâm boh rjăp đah 2 dak.

Nŭih rblang: Y Sưng Phê Ja