VOV4.M’nông: Lơ 1/6, Iran mbơh, nau tâm nchră lam ntur neh ta Viên, Áo gay ndâk nau nchrăp kan ndrak nsiu Iran năm 2015 mô tŭp kol. Tĭng nŭih ntoh ngơi bah Chính phủ I-ran, nau tâm nchră tât rnôk ma ăp nau ntrŭnh ŭch geh nau ƀư ân tâm ban, rjăp ndrel geh mông nar. Nŭih ntoh ngơi dak aơ kŏ nkah ăp nau tâm nchră ta Viên mô geh tât nau săch kan Tổng thống êp tât bah Iran, nchrăp geh ƀư ta lơ 18/6. Iran ndrel ăp dak têh ntơm tâm nchră ntơm khay 4 nơh ta Viên, Áo, tâm ne êgh nau nchră ăp nhoat ma Iran ndrel Mỹ ân geh ƀư nau plŏ tay ăp nau nchrăp geh ntơ nau kan nsum. Nau nchrăp kan geh ntơ nau kan ăp ntil nsum ntrŭnh nau Iran ƀư âk U-ra-ni tâm rnoh 3,67% dêh lơn âk rđil rnoh 90% mra geh njêng ndak nsiu. Yơn lah, kơp ntơm rnôk Mỹ rhuăt luh bah nau nchrăp ndrel ndâk nau mhal Iran tâm năm 2018, Iran hĭ ndâk tay nau tâm ton kan bah nơm tâm nau nchrăp./.

Nŭih rblang: H’Thi