VOV4.M’nông -  Nar 28/12, Thủ tướng Israel Ben-nét mbơh, dak aơ mbra dơi ƀư êng dâl n’ăp rnôk ăp dak ta lam ntŭr neh dơi geh tâm ton đah Iran. Tĭng wa Ben-nét, Israel mô di lah du ding tâm ton hạt nhân đah Iran n’hanh ăp dak, dak aơ mbra mât nău dơi ƀư n’hanh mât njrăng êng nơm. Wa Ben-nét kuăl jă ăp dak lam ntŭr neh an ƀư tĭng nău mĭn êng nơm têh dăng lơn tâm ăp rơh tâm nchră hạt nhân đah Iran. Nău mbơh bah wa Ben-nét ndơ̆ an rnôk tâm nchră tal 8 mpeh rdâk nkra tay tâm ton hạt nhân Iran năm 2015 lĕ ntơm ƀư ta Viên, Áo. Israel dôl kâp du tâm ton an n’hao groi nđôi đah bôk nău kan hạt nhân bah Iran.

Nuĭh rblang: Y Sưng Phê Ja