VOV4.M’nông:  Mprơ tâm ơh bu ur bu klô (đơs loong mô lah đơs pơt) lah ngoăy tâm ăp trong [ư gu\ rêh njroh mprơ way ơm, geh nău du\t khlay mô dơi lah mô geh tâm nău rêh nuih n’hâm bah [on lan K’ho ta Lâm Đồng.Nu^h K’ho way mprơ tâm ơh tâm ăp rnôk luh mir jan ba, lơn lah tâm rnôk tâm nđăp tâm nsao, tâm njêng băl, mprơ tâm ơh bu ur bu klô.

      Nău mprơ tâm ơh (đơs loong mô lah đơs pơt) bah nu^h K’ho geh: mprơ tâm ơh bu ur bu klô, mprơ tâm ơh njêng băl n’hanh mprơ tâm ơh tâm ăp rnôk nđăp nsao…Nău mprơ way mpơl an ăp rup gui way bên, dăch dêh đah trong m^n, trong kan gu\ rêh bah nu^h K’ho. Nkô| hôr đơs loong mô lah đơs pơt bah nu^h K’ho du\t âk mpưm, le\ ma ăp nkô| hôr tâm nău rêh way ăp nar, kơt nău tâm ro\ng oh nô tâm rnăk wâl, nt^m nti oh kon, [ư t^ng nău wa Hồ nt^m, du nuih n’hâm t^ng Đảng Ngih dak. Wa K’Bri, ta nkuâl Lâm Hà an g^t:

            Đơs loong, đơs pơt bah nu^h K’ho he du\t ue\h n’hanh du\t geh nkô| hôr, ăp nău mpât mprơ way mprơ ăp nău nt^m nti kon său ăp nău ue\h nău di, nti he g^t trong gu\ rêh, oh nô tâm rnăk ân g^t tâm pêt mât nsum tâm rnglăp nsum n’hanh [ư t^ng trong kan gung trong bah Đảng Ngih dak.

Mprơ tâm ơh bu ur bu klô lah ntil nău mprơ mpơl nău ro\ng jêng ur jêng sai, mprơ tâm ơh đah bu ur n’hanh bu klô. mprơ tâm ơh lôch bu ur geh bar ntil: ntil bôk năp mpơl nău ro\ng bah he đah nu^h he kơnh mpo\ng geh nău plơng ơh tay. Ntil tâl bar geh nău hôr wơl săk. Nkô| hôr tâm nău mprơ nkoch mpeh nău rêh ach o mô geh âk drăp ndơ, ch^ng yăng, săk nơm hôm djơh djơt, kơnh bu yơn mô năn dăn.

Nău mprơ tâm ơh bu ur bu klô way lah mprât bâr nsing tâm nău ngăn geh n’hanh nkô| hôr nău mprơ bah nu^h ơh đêt geh bôk tơm n’hanh way mprơ rnê druh ue\h n’hanh dêh jăp bah nu^h bu ur.

Rlău ma mprơ tâm ơh bu ur bu klô hôm geh nău mprơ tâm ơh njêng băl đo\ng. Nu^h K’ho way tâm njêng băl rnôk geh năch băl mpôl hăn tât jay pâl mô lah mprơ tâm ơh đah [on dja [on ri. Nu^h K’ho du\t dêh năch, khân păng wơt năch le\ ma nuih n’hâm n’hanh le\ ma  ntil ndơ he geh. Bol ma kơt nê|, khân păng nha mpơl du\t klach he mô ho\ dơi [ư lo\ng nuih n’hâm năch n’hanh tâm di đah năch đo\ng. wa K’Branh ta nkuâl Lâm Hà an g^t:

Mprơ tâm ơh nu^h [on lan he kăl e tâm ăp rnôk ngêt sa n’hanh mâp măt way geh ăp nău mprơ tâm ơh, lôch nê tu\r ch^ng, goh gong n’hanh nê dơi uănh lah văn hoá bah nu^h K’ho he. Nkô| hôr tâm nău mprơ tâm ơh mbra lah tâm ôp khâl nsum, tâm dăn nsum n’hâm soan ngăch dăng n’hanh mprơ rnôk nt^nh năch s^t. Hôm lah mprơ rnê Đảng Ngih dak ri he lah tât nău kơl bah Đảng n’hanh Ngih dak n’hanh bah n’gâng kan.

Mprơ tâm ơh hôm dơi mprơ rnôk tâm nđăp tâm nsao. Nu^h K’ho way t^ng ur jêng kon bu ur ân hăn joi sai (hăn ôp wa\ng bu klô). Khân păng du\t uănh khlay nău tâm gu\ ur sai jo\ jong tât kh^t săk păk mbra, jêng geh ăp njoat hăn ôp joi du\t na nê|. Tâm rnôk wăng, rlău ma ăp drăp ndơ geh rnoh khlay, mpeh rnăk bu ur hôm mprơ hôr gay ôp suăng nău lư mpeh jay bu klô đo\ng. Lôch nê bar ding mơ hăn tât tâm nchră tâm ôp ăp nău way an rơh tâm nđăp an bu ur druh bu klô ndăm.

Hôm tâm nar tâm nđăp ri bu way mprơ ăp nău mprơ geh nkô| hôr tâm nchroh n’hôr rlưn gay tâm nđu\r dơm. Yor kơt nê|, ăp nău mprơ geh ndjôt nău hôr mprơ tâm ơh le\ jêng du ndơ [ư an nuih n’hâm gơih nđơr mô dơi lah mô geh tâm nar tâm nđăp, tâm nsao bah nu^h K’ho. Yơn du\t n’hoach, a[aơ, ăp nu^h g^t mpât mprơ mô hôm âk n’hanh dôl roh hêng t^ng mông nar/.

Nu^h nchih rblang: Điểu Thân