VOV4.M’nông: Tât kêng măng nar 6/5, n'gor Kon Tum hŏ ƀư lôch jêh nău chuh n'gang vaccine rơh 1 njrăng n'gang nuh srê COVID-19, nkre an ƀư, tĭng ƀư ăp trong nkra jăch ndăn njrăng n'gang nuh srê. Lĕ rngôch n'gor Kon Tum geh bơi 11.000 nuĭh hŏ lôch  jêh chuh n'glai bôk năp njrăng n'gang nuh srê COVID-19, geh rlău 83% rnoh nuĭh dơi an chuh lor rơh bôk năp. Aơ lah ăp nuĭh pah kan tâm ăp ntŭk kan dak si n'hanh nuĭh râng njrăng n'gang nuh srê COVID-19.

Mpeh pah kan njrăng n'gang nuh srê COVID-19 ta n'gor Kon Tum, tât kêng măng nar 6/5, n'gâng kan dak si ta n'gor hŏ năl geh 2 hê nuĭh F1 ta nkuâl Sa Thầy n'hanh Ngọc Hồi. Nău ƀoi tĭng têl n'hanh groi nđôi ăp nuĭh ji F2, F3 dơi mpôl kan dơi kan ndăn ngăch an ƀư. Ta năp nău tât ngăch, jêr năl lor bah nuh srê COVID-19, Bộ Chỉ huy Quân sự n'gor Kon Tum hŏ geh si ƀŭt njuăl UBND n'gor n'hanh Ƀan rđău đă njrăng, n'gang nuh srê COVID-19 n'gor Kon Tum dăn đă trong nchrăp njêng ăp ntŭk kâp chăm, rsong hăn nking ăp nuĭh lăp gŭ mô geh nău way ta gưl 2 (nkual tâm kâng đah n'har bri)./.

Nuĭh rblang: Điểu Thân