VOV4.M’nông: Tết Nguyên đán Kỷ Hợi 2019 mhe rlău lah Tết du\t khlay bah 29 rnăk đah 96 nu\ih [on treh jal ta n’glău Thuỷ điện Sê San 4, nkuăl n’har bri Ia H’Drai, n’gor Kon Tum. M’ha lah yor jêh bơi 10 năm gu\ tâm dak me, nău rêh njê yor gu\ âm dah ro\ng, aơ lah năm bôk năp ăp nu\ih [on lan treh jal dơi wơt tết ta kơh đah ngih wâl ueh nâp n’hanh geh sam [u\t rnăk wâl na nê|. Khoa Điềm nkoch nău răm bah nu\ih [on lan treh jal ta n’glău thuỷ điện Sê San 4.

     Lôch 10 năm đông rơp pơp nklang dak me drăng jal ta nklang dak bât thuỷ điện Sê San 4, aơ lah năm lor bôk năp rnăk nô Nguyễn Tuấn Vũ dơi sa Tết kalơ kơh, hôm geh nhih jay têh hvi n’hanh hôk khẩu kloh rvah. Nô an g^t, nê lah nău rhơn nsum bah 29 rnăk [on lan lơh joi ka nkhêp rnôk geh Tết Nguyên đán Kỷ Hợi 2019 năm aơ:

            “Ăp năm sa Tết kalơ duk mpun dơm. Rsong năp rsong kơi ta trôm duk mpun du\t lhăt nchep dak dja krit jêr ngăn. A[aơ dơi n’gâng kan ta ntu\k pă du bôk duk mpan gay gu\ du\t rhơn. Năm rhơn nkoch mô dơi le\ đo\ng”.

            Wơt năm mhe, nu^h [on lan lơh joi ka mô chuêl nău rêh jêr jo\t, o\ r’ah ma khân păng mhe rlău. Tâm trong hăn joi nău rêh, khân păng bah âk [on hao êng êng, kơt An Giang, Đồng Nai, Thừa Thiên- Huế…rdu rgum tay ta dak bât thuỷ điện Sê San 4 so\k nău kan sân jal [ư joi nău rêh. Bơi 10 năm rlău aơ ăp nu^h [on lan lơh joi ka kơt lah gu\ êng đah [on lan bah dih, ns^t geh tơm lah ka dak me nar lơn ma jêr nhu\p joi.

            Nô Nguyễn Văn Triều, [on tơm ta An Giang an g^t, nău rêh bah nu^h [on lan [on lơh joi ka pơk plơp mhe rnôk kruanh rđău kan Tỉnh uỷ n’hanh UBND n’gor Kon Tum hăn ncho duk tât ntu\k, joi g^t na nê| nkô| lôch nê r[o\ng trong nkra. N’gâng kan xã Ia Tơi, UBND nkuâl Ia H’Drai, geh ăp trong ntop kơl na nê| nu^h [on lan. Du\t rhơn lah le\ rngôch 29 rnăk [on lan dơi n’gâng kan nta trong dơh an n’glăp hộ khẩu. Bôk năm 2018 ăp rnăk dơi pă an 400m² măt trong dăch kêng dak bât gay [ư jay gu\. Uỷ ban MTTQ Việt Nam n’gor Kon Tum ntop kơl ăp rnăk 50 rkeh prăk gay kônh wa geh tay prăk [ư jay. Tât kêng du\t năm 2018 jay bah 29 rnăk [on lan le\ [ư lôch jêh năn ngăch wơt năm mhe Kỷ Hợi 2019. Bah năp Tết, n’gâng kan ta ntu\k [ư lôch jêh trong điện, têk so\ng tât nu^h [on lan [on lơh joi ka [ư nuih n’hâm nu^h ho\ ơm rhơn lơn ma rhơn tay đo\ng.

            Nô Nguyễn Văn Triều lah tât nău rhơn rnôk Tết dja:

            “Ntơm bah năm 2012 tât a[aơ gu\ sa Tết ta nklang dak me nău rhơn mô dơi ăp to\ng jêng lah he mô dơi kơp dơn. A[aơ dơi Ngih dak kơp dơn, dơi geh jay gu\, dơi ntop kơl ka ntil. Bơi tât aơ tay đo\ng lah n’gluh tơm prăk manh an 16 rnăk tă bah UBND xã dơn mât. Năm aơ kônh wa geh sa du nar Tết du\t rhơn m[ak, nău rhơn ăp to\ng”.

            Nău rêh ntơm đăp mpăn, năm mhe 2019 ton mbra geh nău dơi mhe tâm pah kan jan sa. Ntơm bah nău ntop kơl bah n’gâng kan tuch tăm mât rong n’gor Kon Tum, tât kêng du\t năm 2018 le\ rngôch ăp rnăk [on lan ho\ [ư lôch jêh ăp to\ng rêng [ư mât ka trôm gu\k ta n’glău dak bât đah ăp rnăk ntơm bah bar pe jât m² gu\k ka let lơ. Nău m^n lơh joi ka rêh êng tâm n’glău dak bât nkre đah mât rong tui ka le\ jêng ngăn ngăn. Mât ue\h măt uănh bri dak neh ntu, nău ue\h mhe êng bah nu^h [on lan [on lơh joi ka kalơ dor yôk Cao Nguyên, du đêt rnăk [on lan ndrel njêng rmôt rho\ do\ng wơt nju\n năch pâl nđaih hăn uănh ntu\k mât tui ka, rho\ ăp ndơ sa kah khlay ta nkual dak bât, kơt ka krop lu\, ka anh vũ, ka lăng Sê San…Geh hộ khẩu, geh jay kalơ kơh du đêt rnăk pơk ntu\k tăch ndơ mbiach, tăch rgâl jê| chrai âk ntil trong joi sa ton ns^t geh wa\ng sa đăp mpăn.

            Nkoch tât trong nchrăp bah xã tâm nău ntop kơl nu^h [on lan [on lơh joi ka đăp mpăn tay nău rêh, hun hao wa\ng sa, wa Chế Hồng Quyền, Kruanh UBND xã Ia Tơi an g^t:

            “Đah kônh wa 29 rnăk nu^h [on lan [on lơh joi ka thôn 7 xã Ia Tơi dơi Ngih dak ntuh kơl bah âk tơm bôk nău kan êng êng. Bôk năm mhe xã t^ng [ư luh kan bôk năm [ư trong hăn tâm [on lan mhe lăp pah kan. Năm 2019 đah ăp rnăk nu^h [on lan [on lơh joi ka ntop kơl ăp bôk nău kan manh tơm prăk gay kônh wa ntuh kơl tâm pah kan jan sa mpeh nhu\p joi, mât tui ka. Xã le\ rgum weh [ư, vẽ nkual dja pă si [u\t kơp dơn nău dơi do\ng neh an nu^h [on lan gay [on lan đăp mpăn”.

            Tết Kỷ Hợi 2019 lah Tết mha êng đah ăp rnăk nu^h [on lan [on lơh joi ka ta n’glău dak bât thuỷ điện Sê San 4. Lơn lah yor bơi 10 năm rơp pơp đông kalơ dak me, ât rdâng đah nău rêh rgoh n’gơ yor dah ro\ng ntrơn du, aơ lah năm lor bôk năp ăp nu^h [on lan [on lơh joi ka dơi wơt Tết s^t hao kalơ kơh đah ntu\k tăch ndơ têh hvi n’hanh hộ khẩu kloh rvah.

            Hôm du nău mha êng đo\ng lah Tết dja, lor bôk năp ăp nu^h [on lan [on lơh joi ka tât bah âk [on êng êng geh ndơ ma [ư gâm sa ăp ndơ sa way ơm bah [on tơm he nơm jă kônh wa kiău ma n’hanh năch khlay sa, kơt bánh tét tê| săk play đung, bánh pu\k ka linh An Giang; mè xửng, bánh bột lộc, bánh bèo Thừa Thiên Huế; lêr kiăng dak măm, trău reng lha giang Đồng Nai…

            Năm mhe đah ăp bôk ntơm dơh soih ndrel âk nău rhơn mhe le\ tât đah ăp nu^h [on lan [on lơh joi ka ta nklang dak bât thuỷ điện Sê San 4 ta xã n’har bri Ia Tơi, nkuâl Ia H’Drai, n’gor Kon Tum./.

Nu^h nchih rblang: Điểu Thân