VOV4.M’nông – Dơn nău jă bah Tổng Bí thư, Kruanh dak Lào Thongloun Sisoulith, ôi aơ, 9/8, Kruanh dak Nguyễn Xuân Phúc n’hanh I ur leo mpôl gưl prêh Việt Nam tă Hà Nội khâl dăch dêh dak Cộng hòa Dân Chủ nhân dân Lào bah nar 9 tât nar 10/8. Aơ lah rơh khâl na nê̆ dak bah dih bôk năp bah kruanh dak Nguyễn Xuân Phúc ta nău kan mhe, ƀư nău khlay têh bah Đảng, Ngih dak n’hanh nuĭh ƀon lan Việt Nam đah nău tâm boh khlay, kan ndrel lĕ rngôch Việt Nam-Lào.

Kruanh dak Nguyễn Xuân Phúc khâl dăch dêh na nê̆ dak Lào

Tâm rơh khâl, ăp nuĭh kruanh 2 dak mbra tâm nchră mpeh nău ntrŭt tâm boh chính trị, tâm rnglăp nchră nău, ngăn lah tâm rnôk chôt srê Covid-19, gay ƀư nkô̆ nău khlay ntrôl tâm boh kan ndrel đah 2 dak tâm ăp nău kan kơt tăch rgâl, n’hanh ntuh kơl; mât njrăng bri dak, rnă njrăng; văn hóa; ntĭm nti; dak si; kan ndrel lam ntŭr neh, tâm nkual, n’hanh nkual jêt. Rơh khâl rgop khlay tâm nău mât ndray nău way ơm uĕh lăng n’hanh nău ntơr ang bah tâm boh mha êng Lào-Việt Nam.

Nŭih rblang: Y Sưng Phê Ja