VOV4.M’nông: Ndơn nau jă bah Tổng Bí thư, Kruanh dak Lào Thong-lun Xi-xu-lít, Kruanh dak Nguyễn Xuân Phúc ndrel i ur păng leo bôk rmôt kan gưl prêh Việt Nam khâl ngăn dak Lào ntơm lơ 9 tât 10/8/2021. Lơ 9/8, ta ntŭk kan Kruanh dak, Tổng Bí thư, Kruanh dak Lào Thong-lun Xi-xu-lít ndrel I ur hŏ ƀư tơm nar vơt Kruanh dak Nguyễn Xuân Phúc ndrel ur păng tâm nau ƀư vơt prêh ngăn ân du rđau kan neh dak. Ta nar tâm nchră ngăn, 2 rđau kan ntoh nau rhơn mpeh nau hun hao ueh bah nau tâm boh kan nsum đah 2 dak tâm rơh rlau aơ ndrel dŏng âk nar nchră tât nau kan gay kơl an ăp nau jêr tă bah srê Covid-19 lơh tâm ăp dak ndrel đah nau tâm boh kan nsum Việt Nam-Lào, nkre tâm ban ntrŭt dăng nau tâm boh tâm ăp nau kan, tă bah chính trị, nchră nau, neh dak, rnă njrăng, ntĭm nti, văng sa, tăch rgâl, ntuh kơl, ŭnh nar, văn hoá, khoa học kỹ thuật…gay ndrel rlet ăp nau ntul rlong, ndăn ăp nau ueh bah cách mạng 4.0 leo tât./.

Nŭih rblang: H’Thi