VOV4.M'nông: Nar 10/9, Kruanh Trung Quốc Tập Cận Bình ƀư kuăl điện tâm nchră đah Tổng thống Mỹ Joe Biden, tâm ôp đah ăp nkô̆ nău khlay mpeh tâm boh Trung Quốc – Mỹ n'hanh ăp nkô̆ nău ma bar ding ndrel uănh khlay. Kruanh Trung Quốc Tập Cận Bình an lah, trong kan ma Mỹ dŏng đah Trung Quốc jŏ jong hŏ khuch tât tâm boh Trung Quốc- Mỹ, mô nsĭt geh an ƀon lan bar dak n'hanh nău geh nsum bah lĕ rngôch ăp dak lam ntŭr neh. Kruanh Trung Quốc nkoch kloh nău mĭn bah Trung Quốc tâm ăp nkô̆ nău mpeh rgâl duh nđik trôk nar, lor nchrăp tĭng ƀư ăp trong dơn kan dak bah dih tâm di đah Trung Quốc. Nkre lah rjăp, bar dak tâm dâl tay nău, kan nsum n'hanh tâm boh. Plơng ơh tay, Tổng thống Mỹ Biden an lah, mô geh nkô̆ gay tâm boh Mỹ - Trung Quốc tŭp tâm nău tâm lơh tă bah tâm ndăng. Mỹ mbra tâm ôp sŏng dăng n'hanh tâm dâl nău đah Trung Quốc gay năl nkô̆ tơm n'hanh trong kan an lor tâm boh gay der bah wĭ djăt jêng tât ăp nău tâm lơh mô ŭch rŏng, ntrôl tâm boh Mỹ - Trung Quốc hăn di trong./.

Nuĭh rblang: Điểu Thân