VOV4.M’nông: Lâm Đồng lah ntu\k rgum 43 rnoi nu^h oh nô. Tâm nău rêh ăp nar, văn hoá bah nu^h [on lan t^ng nkual ho\ tâm lăp nsum, rlu\ đah văn hoá bah ăp rnoi nu^h [on tơm ta ntu\k, njêng săk ntơr ue\h âk ntil văn hoá. Nău m^n bah Tỉnh uỷ Lâm Đồng rlău ăp rơh Đại hội lah rgum mât ndray n’hanh hun hao ue\h văn hoá, uănh khlay rnoh khlay văn hoá way ơm ue\h lăng bah [on lan ăp rnoi mpôl đê|.

Lơn lah nău m^n bah Tỉnh ủy Lâm Đồng rlău ăp năm kan Đại hội Đảng bộ n’gor “Rgum mât ndray n’hanh hun hao văn hoá, drăp ndơ ơm yău ăp rnoi nu^h ta ntu\k; tâm nê, uănh khlay rnoh khlay văn hoá way ơm ue\h lăng bah [on lan ăp rnoi mpôl đê|; nkre đah hun hao văn hoá đah hun hao pâl nđaih”, Sở Văn hoá Thể thao n’hanh Pâl nđaih n’gor Lâm Đồng way lor nchrăp đah n’gâng kan ăp ntu\k mât ndray n’hanh mpư n’hao ue\h ăp rnoh khlay văn hoá way ơm. Na nê|, n’gor uănh khlay mât ndray drăp ndơ ơm yău “Ntu\k tu\r ch^ng goh gong Tây Nguyên”. Rdâk rêh tay ăp lễ hội ntoh lư bah [on lan ăp rnoi mpôl đê| geh roh hêng; rdâk tay du đêt [on blău ti kan n’hanh nău kan way ơm geh roh hêng mô hôm dơi trêng nti tay hun hao văn hoá gay [ư jâng nsing, suan dăng nơm gay ntrôl hun hao wa\ng sa- rêh jêng kon nu^h, đăp mpăn njrăng n’gang neh dak, rnă njrăng….

            Wa Nguyễn Thị Bích Ngọc Giám đốc Sở Văn hoá- Thể thao- Pâl nđaih Lâm Đồng an g^t: Lam n’gor a[aơ geh 36 ntu\k têl ơm yău dơi n’glăp tâm săk ho\ dơi kơp dơn. 20 ntu\k têl ơm yău gưl neh dak, lah: 2 ntu\k têl ơm yău mha êng lah bri mât gưl neh dak  Cát Tiên n’hanh Khảo cổ Cát Tiên; 2 ntu\k jay ơm yău; 14 ntu\k ơm yău bri dak ue\h măt uănh n’hanh 2 ntu\k têl ơm yău cách mạng. Sở Văn hoá- Thể thao- Pâl nđaih ho\ uănh khlay mât ndray, nkra têh hvi tay ăp ntu\k têl ơm yău kăl e, văn hoá, ăp ntu\k bri dak ue\h măt uănh, ăp ntu\k nhih jay ơm yău gay ăp ntu\k têl ơm yău mô rlu geh hao rnoh khlay.

N’gor Lâm Đồng ho\ an [ư Đề án “Mât ndray hun hao ntu\k tu\r ch^ng goh gong Tây Nguyên ăp rnoi nu^h n’gor Lâm Đồng tât năm 2020”; Đề án “Mât ndray, mât ue\h săk ntơr văn hoá ăp rnoi nu^h [on tơm ta ntu\k, rdâk tay n’hanh hun hao ăp [on hăr blău ti kan nkre đah nău kan pâl nđaih ta n’gor Lâm Đồng lvang năm 2018- 2020 n’hanh r[o\ng tât năm 2030” dơi an [ư geh nău tam.

Ăp năm, Sở Văn hoá- Thể thao- Pâl nđaih [ư nar Rgum pâl Văn hoá, thể thao ăp xã nkual [on lan rnoi mpôl đê|, [ư pơk âk jrô trêng nti ch^ng gong nta trong gay ăp nu^h g^t blău hăn lor bôk năp trêng nti tay an rơh kơn mom ndăm bah kơi. A[aơ, lam [on ho\ geh Câu lạc bộ ch^ng gong. N’gor ho\ [ư 2 rơh uănh năl săk ntơ Nghệ nhân Ưu tú an 19 tơ\ nu^h g^t blău, 9 nu^h g^t blău ho\ ntăm an săk ntơ Nghệ nhân Ưu tú, 8 nu^h g^t blău dôl dăn đă pă an.

Jay “{on rnoi nu^h Churu” (ta xã Próh – nkuâl Đơn Dương); Ntu\k têl ơm yău cách mạng ndrung kru\ng druh ndăm rchong Đà Lạt dơi rdâk tay, gay mât ndray ăp rmoh khlay văn hóa, lịch sử. Ho\ ntuh kơl rdâk tay 10 lễ hội ntoh lư bah ăp rnoi nu^h [on tơm ta ntu\k kơt: Lễ Pơthi (bah nu^h Chu Ru n’hanh rmôt Kơ Ho ta thôn K’Long – nkuâl Đức Trọng), lễ Nhô Wèr (bah nu^h Kơ Ho Srê ta nkuâl Di Linh), lễ Bok Chu-bur (bah [on lan Churu ta nkuâl Đức Trọng), ăp nău way ôp brah ba (bah nu^h Mạ ta nkuâl Bảo Lâm), nău way [ư ns^t ba n’hao rhe bah Kơ Ho nkuâl Lâm Hà)... Sở ho\ uănh khlay ntuh kơl rdâk tay, hun hao ăp [on hăr blău ti kan n’hanh ăp nău kan way ơm bah [on lan ăp rnoi mpôl đê| kơt: Nău kan to\ kông bah nu^h Churu ta Tu Tra (Đơn Dương), nău kan mon uk Krăng Gọ (Đơn Dương), tanh tôk, n’gon ndrănh, nău kan tôp tiăr, cheh tanh bok brai…33 [on hăr blău ti kan ho\ dơi UBND n’gor kơp dơn lah [on hăr blău ti kan way ơm, wa\ch rgum âk mpưm năch hăn uănh, rlong [ư, joi g^t nău ue\h văn hoá.

Ăp nău way nchâp đă văn hóa nar lơn ma dơi ăp to\ng; tât a[aơ, le\ rngôch 142 xã, phường, thị trấn geh jay văn hóa; rlău 900 thôn geh jay rgum [on rho\ do\ng an nău rêh nuih n’hâm bah [on lan. Ăp năm, Bảo tàng Lâm Đồng rdâk tay rlău 50 rbăn tơ\ năch hăn uănh pâl; Thư viện n’gor rdâk tay rlău 900 rbăn tơ\ băl răk; [ư rlău 40 lễ hội, nău kan khlay nkhêp geh ăp nar têh khlay; [ư 80 rơh njroh mprơ rho\ do\ng an rlău 200 rbăn tơ\ nu^h uănh; t^ng [ư 553 rơh pơk phim rho\ do\ng an rlău 100 rbăn [on lan ăp rnoi nu^h. Nkoch trêng rdâk njêng rnăk hơm răm, geh nău tâm ban, rgâl mhe, răm m[ak ma âk nău kan kơt: Tâm rlong “N’gon piăng rnăk wâl răm m[ak tâm ro\ng”, nkoch trêng mpeh tâm ban bu ur bu klô, njrăng n’gang tâm lah tâm janh rnăk wâl, an rlong [ư “Nkôp nău way mbơh ngơi pêt mât tâm rnăk wâl”.

            Ntro\ng văn hoá ân hăn lor du njuat ntroh n’gôr, rgo\ jă [on lan ăp rnoi nu^h tâm n’gor t^ng [ư geh nău dơi ăp nău kan chính trị, Sở văn hoá- Thể thao  - Pâl nđaih ho\ n’hao prêh trong leo [ư “Lam [on lan tâm rnglăp rdâk njêng nău rêh văn hóa” ta le\ mpeh rnoh jru n’hanh hvi ma ăp rnoh tât kan na nê| nkre đah rdâk njêng [on lan mhe, nkual [on têh rsang rnglăy kloh ue\h.  

            Tâm âk năm rlău aơ, n’gâng kan ho\ rgum nkoch trêng, rgo\ jă [on lan t^ng [ư jăp ăp rơh rgo\ jă; ăp nău tâm ton, nău way rdâk njêng nău rêh văn hoá tâm dâng; t^ng [ư nău rêh g^t blău kloh ue\h tâm nđăp nsao, kh^t yot; ngêt sa têh; hun hao văn hoá [on lan mhe. Lam n’gor geh 266.000 rnăk dơi kơp dơn săk ntơ rnăk văn hoá; rlău 1.400 thôn, [on, tổ dân phố văn hóa, 117 xã, phường, thị trấn di rnoh văn hóa, g^t blău. Trong leo thể thao nsum mpôl hun hao dăng. Lôch nê, văn hoá ho\ lăp jru tâm ăp nău kan rêh jêng kon nu^h, lah jâng nsing ngăn nuih n’hâm ntru\t ntrôl nău hun hao jo\ jong./.

Nu^h rblang: Điểu Thân