VOV4.M'nông: Lào mbra ƀư njêng dak si Molnupiravir gay rlong săm an 1.000 nuĭh ji Covid-19 ta nâm nău groi nđôi bah Nhih pah kan dak si lam  ntŭr neh (WHO). Bộ Y tế Lào mhe an pă si ƀŭt an Công ty dược phẩm Ngih dak mbrô 3 dơi ƀư njêng dak si  Molnupiravir, du ntil dak si găr nĭnh ngêt săm Covid-19. Tĭng trong nchrăp, công ty dược phẩm mbra ntơm ƀư njêng tâm khay 12 tât, đah rnoh âk tŏng an rlong dŏng săm an nklăp 1.000 nuĭh ji. Wa Phoukhong Chommala, Groi Giám đốc Công ty dược phẩm Ngih dak mbrô 3 an gĭt, ăp nuĭh dơi rlong ngêt dak si lah rmôt nuĭh ntơm bah 18 tât 65 năm deh, geh nău ji đêt mô lah ji jru oi, dôl tâm rơh bôk năp n'hanh mô geh môr klơm soh mô lah n'hôr oxy. Ăp nuĭh mbra dơi pă an dak si ngêt jŏ tâm 5 nar. Tĭng wa Phoukhong, nău ƀư njêng dak si Molnupiravir n'hanh bôk nău kan an rlong ta Lào mbra tă bah Nhih pah kan dak si lam ntŭr neh groi nđôi./.

Nuĭh rblang: Điểu Thân