VOV4.M’nông – Kruanh n’gâng kan, Chủ nhiệm Ủy ban Dân tộc Hầu A Lềnh mhe geh nar pah kan đah N’gor ủy, UBND n’gor Yên Bái mpeh ƀư tĭng trong kan rnoi mpôl, trong kan nchrăp mbơh ƀư bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030. Ta nar pah kan, Bí thư N’gor ủy Yên Bái-Đỗ Đức Duy mpŏng ŭch, Ủy ban Dân tộc uănh mĭn tay, ntop kơl n’gor Yên Bái ƀư uĕh trong kơl rnoi mpôl đêt năm tât; nĕ lah nău kơl rgŏ jă nuĭh; nău kơl an nuĭh nsing nơm; mât uănh bri; hun hao lŏ mir hăn ndrel đah pâl nđaih... Kruanh n’gâng kanh Chủ nhiệm Ủy ban Dân tộc Hầu A Lềnh đă n’gor Yên Bái n’hao trong kan nkoch trêng, rgŏ jă n’hao nău wât bah lĕ trong Chính trị mpeh trong kan rnoi mpôl, ƀư tĭng nău kơl rnoi mpôl, nău tâm ban ŭch tâm ƀon lan; uănh nđôi, nkra di nău kơl rnoi mpôl an tâm di tâm lvang mhe; mĭn njêng ntĭm rđău, rgum nuĭh mkra jêh du đêt nău jêr jŏt, nău geh êng ta nkual rnoi mpôl đêt.

Nuĭh rblang: Y Sưng Phê Ja